Politiken: Folketingi naalleraaniarsarissanngilaq
- Suliniutinut angisuunut inatsimmik apeqqusiinissamut tunngavissaqarluarpoq. Kisianni Namminersorlutik oqartussat ataanni inatsisit inissisimasut Folketingimit atorunnaarsinneqassanngillat, Politiken ullumi pingaarnerutitamini allappoq
- Folketingip inatsisit kalaallit namminneq pisinnaatitaaffiisa ataaniittut akornuserniassanngilai. (suliniutinut angisuunut inatsit, aaq.)
Ullumi arfininngornermi Politinimi aaqqissuisup pingaarnerutitamini naqissuserpaa.
- Kalaallit inatsisiliaat pillugu apeqqusiinissaq tunngavissaqarluarpoq aamma erseqqippoq taassuma oqaasertaanni atukkat piviusunngortinneqassasut taamaaliornikkut nunat tamalaat akornanni isumaqatigiissutinik naammassinnittoqarluni.
- Taamalli oqareerluta erseqqissaatigisariaqarparput inatsimmi namminersorlutik oqartussanit pisinnaatitsiffiusuni immikkoortortat Folketingimit akornuserneqassanngimmata. Qallunaat naalakkersuisuisa aamma illuatungiliuttut ilisimasariaqarpaat aalajangiuteriikkat atuunnerat. Taamaanngippat peqqusiileqinassammat, Politiken allappoq, tassannga paasiuminaatinneqarpoq Lars Løkke Rasmussenip Venstrep siulittaasuata oqariartuutaa, taanna sapaatip akunnerata siuliani oqarmat, immikkut ittumik inatsimmik sulineq - taanna aqqutigalugu Kalaallit Nunaanni kinamiunik sulisoqarnissamik periarfissiisuusussamik sulinissaq unitsikkallarneqartariaqartoq kalaallit-qallunaallu suleqatigiinnissaannut periarfissat misissoqqaartinnagit.
Allaaserisaq qallunaatooq uani atuarsinnaavat