Aalisarneq piniarnerlu ineriartortinneqassaaq
Aalisarnerup piniarnerullu ineriartorteqqinnissaanut suliniutit Sermersuumi nukittorsarneqassapput
Aalisarnermut piniarnermullu suliniaqatigiiffik NAPP Sermersuumi Inuussutissarsiornermi siunnersuisooqatigiinnik pilersitseqataavoq aalisarnerup piniarnerulluiluani ineriartortitsinissamik suliniutit nukittorsarneqarnissaat siunertaralugu.
Nuummi Aalisartut Piniartullu Peqatigiiffiat, NAPP, ukiup naanngitsiarnerani Kommuneqarfik Sermersuumi inuussutissarsiornikkut inerisaanermik suliaqarfiup Sermersuumi Inuussutissarsiornermut Siunnersuisooqatigiit aningaasaateqarfittut pilersinneqarnerani peqataavoq, Sermersuumi inuussutissarsinermut siunnersuisoqatigiit tusagassiuutinut nalunaarummi allapput.
Nunap immikkoortortaani maani aalisarneq piniarnerlu inuussutissarsiutit siuarsarneranni pingaaruteqarmata pilersitseqataanerat Sermersuumi Inuussutissarsiornermut Siunnersuisooqatigiinnit nuannaarutigineqarpoq.
- Nuannaarutigeqaara NAPP Sermersuumi inuussutissarsiornermik siuarsaaqataanissaminut piumassuseqarmat, maannakkut inuussutissarsiornermut siunnersuisooqatigiit inuussutisarsiornermut, suliffissaqartitsinermut, ilinniagaqartitsiniaallu sulissuteqarnermut kiisalu qullersanut sammisunik suliaqalernerani peqataarusummata, Inuussutissarsiornermut Siunnersuisooqatigiit siulittaasuat Martin Ben Shalmi oqarpoq. Sermersuumi Inuussutissarsiornermut Siunnersuisooqatigiit siunissami qaninnermi aalisarnermut piniarnermullu atatillugu NAPP peqatigalugu siuarsaanissamik suliniuteqalissaaq, taamatut aalisarneq piniarnerlu pillugit siuarsaatissat patajaallisarniarlugit.
- NAPP-mi annertuumik misilittagaqarnerup iluaqutiginissaa qilanaaraara, Sermersuumi inuussutissarsiutit ineriartortinneranni annertuumik suliniuteqarnitsinni ikorfartuutaalluassammat, Martin Ben Shalmi neriulluarpalulluni naggasiivoq.
Kommuneqarfik Sermersuumi inuussutissarsiutinik siuarsaanermi suliat 2012-imi februaarip aallaqqaataani Sermersuumi Inuussutissarsiornermut Siunnersuisooqatigiinnut isumagisassanngortinneqarput. Sermersuumi Inuussutissarsiornermut Siunnersuisooqatigiinnik pilersitseqataasut ukuupput; Nuummi Sulisitsisut, NSIP, GrønlandsBanken, BankNordiK, Kommuneqarfik Sermersooq maannakkullu tassa aamma NAPP peqataalerluni. Niuernermik Ilinniarfik aamma Ilimmarfik siunnersuisooqatigiinni aamma peqataatitaqarput.
Inuussutissarsiornermut Siunnersuisooqatigiinni maanna ilaasortaasut tassaapput:
Martin Ben Shalmi, siulittaasoq
John Jakobsen, siulittaasup tullia
Nikolaj Ezekiassen, ulluinnarni aqutsisuni ilaasortaq
Ludvig Larsen
Bjartur Nolsøe
Nicolaj Sørensen
Michael Mørch
Asii Chemnitz Narup
Mike Nicolajsen
Knud Serritslev
Bjarne Thorsen
Lars Mathæussen
Tine Pars
Frank Arnskjold