Nunanut allanut unammisartut angerlarsimaffimminni
Qallunaat assammik arsarluni nunanut allanut unammisartui U21 Nunatsinni sungiusassapput, Bosnien-Hercegovina-mi U21-t VM-ernissaannut piareersarlutik
Sapaatip akunnerata uuma naanerani assammik arsarluni VM Spaniami aallartissaaq. Kalaallit Nunaat Amerikap Nunavissuani pissartanngorniunnermi VM-imnut tassunga anngutinngitsoorpoq. Taamaasilluni 2013 pisoqarfiuvallaassanngilaq, taamaakkaluartorli angutit nunanut allanut unammisartuni susoqassaaq.
Sapaatip akunnerata naanerani kingullermi qallunaat nunanut allanut unammisartui U21-t VM-imut anngupput, taannalu juulip 14-ianniit 28-annut Bosnien-Hercegovinami ingerlanneqassaaq. Qallunaat U21-ni sungiusaasuat Henrik Kronborg aalajangersimavoq VM-imut aallannginnerminni sungiusaqatigiinneq kingulleq Kalaallit Nunaanni ingerlanniarlugu.
- Uagutsinnut pitsaasorujussuuvoq qallunaat U21-mi nunanut allanut unammisartui Nunatsinnukassammata. Taava nunanut allanut unammisartuvut katersortissavagut, qallunaallu U21-mi nunanut allanut unammisartui marloriarluta unammissavagut. Tamanna pissaaq juunip 14-iannut 16-iannut, Niels Møller Sermitsiaq.AG-mut oqarpoq.
Unamminerit pingasut
Tassa imaappoq, sungiusaqatigiinnerup samniatigut ullut tamaasa unammisoqartassaaq. Tallimanngornermi juunip 14-ianni qallunaat U21-mi nunanut allanut unammisartuisa Nuup illoqarfiata holdia unammissavaat. Arfininngornermi sapaammilu, juunip 15-ianni 16-iannilu, Danmarkip U21-mi nunanut allanut unammisartui Kalaallillu Nunaata nunanut allanut unammisartui "landskampeqassapput".
Nunanut allanut unammisartut sungiusaasuat Niels Møller ikiortaalu Kristian Kristensen sapaatip akunnera naanerani uani Nuummiipput, unammisartut Nunatsinni najugallit katersuutsillugit.