Food Festival ingerlanneqaqqissaaq
Food Festivali ’Igasa’, siorna perngaamik aaqqissuunneqartoq Kujataani ileqquliunniarpaat
Kommune Kujallermi inuussutissarsiornermut suliffissaqartitsinermullu ataatsimiititamit festivali Igasa nalilersoreerlugu aalajaangiunneqarpoq ataavartumik aaqqissuunneqartalissasoq. Siullermi iluatsilluarpoq. Taamak oqarpoq ataatsimiititaliap siulittaasua Kalistat Lund tusagassiutitigut nalunaarutikkut.
- Food Festivalimut siunertaavoq kalaallit nerisassiassatsialaasa sammineqarnerulernissaat aamma najukkani nerisassiassanik atuinerulernissaq siunertarineqarpoq. Innuttaasut, nunaqarfiit, savaateqarfiit, pisortat suliffeqarfii aamma inuussutissarsiutillit peqataaffigilluagaat inerneqarpoq, Nunatsinni Food Fedstivalip siullerpaap naammassineqarnera aaqqissuussinernik pisoqartitsinernillu 40-nit aaqqissuussivigineqartoq aamma inunnit 1500-1600 missaanit peqataaffigineqartoq sammisassaqartitsiviusorlu, Kalistat Lund.
Isumassarsiaq siammartariaqarpoq
- Taamaattumik neriuutigaarput, Food Festivaimik isumassarsiaq nunap sinneranut siammarneqassasoq aamma 2013-mi nunap immikkoortui allat peqataatikkusuppagut, ataatsimiitaliami siulittaasoq Kalistat Lund oqarpoq.
Food Festival 2012 missingersuuteqarpoq 200.000,- koruuninik aamma ingerlanneqarluni NIIP-mit (Nunap Immikkoortuisa Ineriartortinneqarnissaannut Periusissat) aningaasanik tapiiffigineqarnikkut.
Tullissaanik Food Festival, ukioq manna ingerlanneqartussami aalajangerneqarpoq aggustip 27-annit septembarip arfineq-aappaanut aaqqissuunneqassaaq.