Løkkep Kinamiut akissarsiassaat ernummatigai

Venstrep siulittaasuata Lars Løkke Rasmussenip naalakkersuit siulittaasuat Kuupik Kleist qallunaallu ministeriunerat Kalaallit Nunaanni suliniutit angisuut pillugit inatsimmi aaqqiiagiinngissutaaqisumi Kinamiut isumaqatigiissutaat naapertorlugit sulisoqarnissamik periarfissiisumi unitsiarnissamik isumaqatigiissuteqarnissaannik kajumissaarpai.

Unitsiarnermi paasiniarneqassaaq kalaallit qallunaallu ataatsimoorlutik pisortat namminersortullu piiaanissamik suliffeqarfiutaanik pilersitsisoqarsinnaanersoq Kinamiut taartissaannik, Jyllands-Posten allappoq.

Løkkep Kuupik Kleist IA-meersoq ministeriunerlu Helle Thorning-Schmidt S-imeersoq ullumi sisamanngornermi ilaatigut suliniutit angisuut pillugit inatsit pillugu ataatsimiittussat kajumissaarpai.

- Naalakkersuisut siulittaasuat ministeriunerlu ilungersorlunga kimigiiserfigerusuppakka ataatsimoorlutik suliniutit angisuut pillugit inatsimmit allaanerusumik nassaarniaqqullugit, Lars Løkke Rasmussen oqarpoq.

Inatsisip kingunerisinnaasai "annertuumik ernumassutiginerarpai".
- Kalaallit inuiaqatigiit pinngortitami pisuussutinik aallaaveqartumik ineriartornissamik, siuariartornissamik atugatissaanissamillu pilersitserusunnerat isumaqatigaara akornusiiniarnissaralu takorloorsinnaanagu.

Læs også: V og K presser Thorning-Schimidt om Grønland

Læs også: Thorning støtter storskalaloven

- Periusissarli toqqarneqartoq ernummatigeqaara siunissarlu ungasissoq eqqarsaatigalugu kalaallinut inuiaqatigiinnut kingunerisinnaasai, Jyllands-Postenimut oqarpoq.
2013-imi sapaatip akunneranut tusagassiuutitigut ataatsimiisitsinermini siullermi marlunngornermi ministeriuneq oqarpoq Danmarkimi naalakkersuisut kalaallit suliniutit angisuut pillugit inatsit namminersorneq pillugu inatsimmik tunngaveqartoq tapersersorlugu.

Aatsitassaqarnikkullu suleqatigiinnissamik kalaallit kissaateqarpata Danmark peqataarusussaaq, oqarpoq.
Kuupik Kleist siusinnerusukkut kissaateqarsimavoq suleqatigiissitanik qallunaanik kalaallinillu inuttaqartumik pilersitsinissamik aatsitassaqarnikkut suleqatigiiffiusinnaasunik misissuisunik. Taamatullu kissaateqarneq qallunaat naalakkersuisuisa isumaqatigaat.