Siumut: Bell 212 taarserneqarli

Qulimiguulik Bell 212 atorsinnaanngilaq. Silarlulaartumi timmisinnaanngilaq. - Taarserniarsiuk, Kristian Jeremiassen, Siumut, kaammattuivoq

Qeqertarsuup Tunuani qulimiguulimmik Bell 212-imik timmisartuussineq akuerineqarsinnaanngilaq, Kristian Jeremiassen, Siumut, isumaqarpoq.

Leiff Josefsen

Hanne Broberg

pingasunn 09. uki 2013 14:38

Annonse

Qeqertarsuup Tunuani innuttaasut misigiuarpaat qulimiguulimmik Bell 212-imik timmisartuussinermi kinguaattoornerit imaluunniit taamaatitsiinnarnerit - silap ajorneranik pissuteqartumik. - Tamanna akuerineqarsinnaanngilaq, Kristian Jeremiassen, Siumut, isumaqarpoq taamaattumik paragraf 37 aqqutigalugu Naalakkersuisunut kaammattuuteqarpoq qulimiguullip taarserneqarnissaanik.

Ilami apeqquteqaatinik sisamanik akillaqusaminik saqqummiussivoq:

- Qulimiguullip Bell 212-ip qeqertarsuup tunuani ilaasunik angallassissutinngortup allamik taarserneqarnissaa qaqagu naatsorsuutingissavara?

- Qeqertarsuup tunuani 1. Januar 2013 aallarnerfingalungu ilaasunik angallassineq eqqarsaatingalungu ajorseriaateqarpat suut pitsanngorsaatissatut eqqarsaatigineqarpat?

Qeqertarsuup tunuani 1. Januar 2013 aallarnerfingalungu ilaasunik angallassineq eqqarsaatingalungu ajorseriaateqarpat suut pitsanngorsaatissatut eqqarsaatigineqarpat?

Sapernguneq peqqutaalluni timmisartut qulimiguullillu uniinnartarnerannik kinguneqartumik unnuisarfinnik atuisarnermi aningaasartuutit amerleriarnissaat naatsorsuutingineqarsimava?

Bell 212 atorsinnaanngilaq, maannakkumut misilittakkat takutereerpaat. Kinguaattoornerit aallanngittoorluni uniinnartarnerit Qasigiannguani innuttaasugut misingisalereerpangut piffissap sivikitsuaqqap ingerlanerani, qularnanngilaq Bell 212 taamaattuaannassasoq sapernujanera pissutingalungu. Sullissineq pitsaanerulinngilaq ajorseriaateqarpoq 1. Januar 2013 aallarnerfingalungu.

Angallannikkut ajornerusumik ingerlatsisoqalerneratigut paaserusuppara ilaasunik angallassineq

eqqarsaatingalungu qanoq pitsanngorsaanissamut sillimasoqarsimanersoq.

Taamatuttaaq 1. Januar 2013 aallarnerfingalungu Qasigiannguanut allakkat ingerlanneqartarneri

sukkanerusumik apuunneqartalernissaat qanoq qulakkeerneqarsimanersoq paaserusuppara,

assersuutingalungumi aviisit pisoqalereersut soqutaajunnaareertullu Qasigiannguanut tikittarput

nutaarsiassatut taaneqarlutik uffa qanganitsereersut, Kristian Jeremiassen allappoq.

Kristian Jeremiassenip apeqqutai Kujataani Bell 212-imik atuilernermi naammagittaalliornermut sanilliunneqarsinnaapput taqqavani timmisartuussinissanik taamaatitsiinnarnerit arlaqaqisut misigineqareernerisa kingorna.