Biilinik aallarussisumik takusoqarpa

Ilulissani politiit biilinik aallarussinermi takunnissimasinnaasunik ujaasipput, biili arfininngornermi ullaakkut Ilulissat timmisartoqarfiata eqqaanit aalartunneqarsimavoq.

- Angutip timmisartoqarfiup silataani biili tomgangertissimavaa biililu aallarunneqarluni. Tamatuma kingorna angutip taxarluni timmisartoqarfiup aqqutaani biili naammattoorpaa ajutoorsimasoq. Biili aqqusinermi tukimut unissimavoq aqqutissamik assersuilerluni, tamatuma kingorna biilimik aallarussisup biili qimaannarsimavaa, politi assistent Niels Henrik Søndergaard, Ilulissat Politi, Sermitsiaq.AG'mut oqarpoq.

Biili aseqqukoq karaaninit aaneqartariaqarsimavoq.

- Arlaa arfininngornermi ullaakkut timmisartoqarfimmut aqqummi ikisaqarsimaguni imaluunniit pisoq pillugu paasissutissaateqaruni uagutsinnut saaffiginninnissaa kissaatiginarpoq, oqarasuaat 70 14 22 atorlugu, Niels Henrik Søndergård oqarpoq.