Nunatta arfattassinnera Norgemit taperserneqarpoq

Norgemiut arfanniarnermut suliniaqatigiiffiata naalakkersuisut nammineerlutik ukioq manna arfattassanik aalangersaanerat nersualaarpaa

Foto: Søren Duran Duus

Ilaatigut nunanut allanut ministerimit Villy Søvndalimit SF-imeersumik Greepeacemiillu naalakkersuisut ukioq manna nammineerlutik arfattassinnerat isoriniarneqareersorlu aalajangiineq maannakkut taperserneqarnerulerpoq.

Maannakkut nunanit allanit.

Norgemi arfanniarnermut suliniaqatigiiffiup siulittaasua Truls Soløy KNR naapertorlugu oqarpoq, kalaallit nammineerlutik arfattassinnerat pitsaasuusoq, Norgemilu arfanniat ilimagisimagaat piffissap ilaani kalaallit namminersorlutik arfattassaminnik amerliliissasut, kalaallilli arfattassaminnik amerliliiniarnerat IWC-mit itigartinneqarpoq.

Læs "Grønlandske MF'er: Urimeligt at blokere for vores hvalfangst"

Læs "Grønlands renommé står også på spil"

Læs "Vores hvalfangst truer dansk omdømme"

Tallimanngormat nunatsinniit Folketingemut ilaasortat marluk IA-miit Sara Olsvig Siumumiillu Doris Jakobsen Sermitsiaq.AG-mut oqarput isumaqarlutik IWC-p kalaallit arfernik angisuunik pisaassaasa amerlinnginnissaannik aalajangiinera eqqunngitsuusoq.

Siorna IWC akerliulluni taasivoq naalakkersuisut 2013-mi arfernik angisuunik pisaassat 211-niit 221-inut amerliniarmassuk. Taamaattumik naalakkersuisut ukioq manna nammineerlutik arfattassiiniarlutik aalajangerpaat. Arfattassallu 221-upput.

Powered by Labrador CMS