Siumup Preben Lange eqqaaniarpaa
Naalakkersuinermik suliallip Preben Langep toqunera Siumumit eqqaaniarusunneqarpoq
Naalakkersuinermik suliaqartup Preben Langep toqunerata kingorna Siumup siulittaasua Aleqa Hammond inatsisartuni Folketingimilu ilaasortaasimasoq Preben Lange pillugu imaattumik allappoq:
’Siumup naalakkersuinikkut sulinerani malunnaatilissuaq Preben Lange napparsimareerluni toqukkut qimaguppoq.
Nunatsinni innuttaasut nammineerlutik nunamik ilusilersornissaanut aammalu naalakkersornissaani sulinermi annertuumik Preben Lange Siumumi suleqataavoq. Suliaq angisooq, sapiissuseqarluni, qasujaalluni aammalu siunnerfigissaarluni angujumallugu suleqataalluarsimavoq.
Preben Langep qimatai tamaasa qamannga pisumik migisinneqatigaagut.
Ilagisimallutigu, suleqatigisimallutigu minnerunngitsumillu nunaqqatigisimallutigu nunaqqataasugut suleqataasugullu nukittuunnguallatsissimavaatigut. Preben Langep sulisimanerani ingerlatitseqqissaagut anersaava pigalugu.
Preben Langep eqqaaneqarnera ataqqinartuuli', Aleqa Hammond.
Preben Lange 64-inik ukioqalerpoq.