Thaimik tilluuttartoq ajugaaqqippoq
Thaimik tilluuttartup Peder Tækker Jepsenip Michael Storm Randersimeersoq, siusinnerusukkut DM-imi sølvinnassimasoq, pointitigut ajugaaffigaa
Annonse
Kalaaleq thaimik tilluuttartoq Peder Tækker Jepsen juullip siuninngua 15-issaanik unammivoq.
- Aallaqqaammulli unammineq aquppara. Clinchkast seeqqukkalu atorpakka, unammisaralu lowkicks-inik tilluinermillu eqquilluartarpoq, imminulli ilersorluarpunga, Peder Tækker Jepsen oqarpoq.
- Rundip aappaani Michael Storm seeqqunnik tinguatigut isimmillugu kisitsisitippara. Michaelili maattuvoq, kisitsiffigineqarnermilu kingorna ingerlaqqilluni. Unammineq maanaannaq naammassiniarsaraara, rundilli pingajuata naanissaanut nikorfavoq.
Peder Tækker Jepsen qularnaatsumik dommerinik 3-0-mik ajugaatinneqarpoq.