Peqatigiiffik nutaaq pilersinneqalerpoq
Peqqissaasunngorniat peqatigiiffimmik nutaamik pilersitsinialerput. Qanoq ateqassava?
Januaarip 10-anni peqatigiiffik nutaaq Nunatsinni pilersinneqassaaq. Peqqissaasunngorniat peqatigiiffiliornialerput akunnerminni suleqatigiinneq nukittorsarniarlugu, peqatigiiffiulli aamma ilaatigut KISAQ suleqatigerusuppaa.
- Suleqatigiinnikkut ilaatigut ilinniartut akornanni kiserliorneq angerlarsernerlu annikillisarniarneqassaaq, peqatigiiffiliornissamik suliniartut peqqissaasunngorniartut Klaudia Jakobsen aamma Linn Ivalo Laue tusagassiuutitigut nalunaarummi allapput.
Peqatigiiffiliornissamik suliniutillit peqatigiiffiup atissaanik Facebook-imi unammisitsipput, ajugaasorlu ilaasortanngortussanit oqartussaaqataasumik toqqarneqassaaq, ilaatigullu Bror& Søster-imit Matas-imillu aningaasalerneqartunik akissarsisinneqassalluni.
Peqatigiiffiup nutaap atissaanik siunnersuutillit siunnersuutertik mail-ikkut ukununnga nassiussinnaavaat Klaudia Jakobsen klja@pi.uni.gl imaluunniit Linn Ivalo Laue lila@po.uni.gl
Tusagasiorfinnut nalunaarummi ersarissumik oqaatigineqarpoq atissaanut siunnersuut tunngavilerneqassasoq.