Alaskap avataani nuna sajorujussuartoq
Alaskap sineriaata kitaani nuna 7,7-imik sajummat tassaarsuarmik pilersitsivoq. Ajunaartoqarneranik nalunaaruteqartoqanngilaq
Annonce
Alaskap sineraata kitaani nuna 7,7-imik sajummat tamanna tassaarsuarmik aseruisumik pilersitsivoq. Ajunaartunik ikilertunilluunniit nalunaaruteqartoqanngilaq.
Sajunnerup qiterpiaa Alaskami illoqarfimmit Craig-imit 102 kilometerinik kippasissusilimmiippoq.
- Immap qaavata qanoq issusiata takutippaa tassaarsuartoq. Tamanna sajunnerup qiterpiaata eqqaani sinerissani aseruisinnaavoq, USA-p nunap sajunneranik nakkutilliisoqarfia USGS nalunaarpoq.
Ilutigalugu USGS-ip nalunaarutigaa sinerissat allat tassaarsuarmik ulorianartorsiortinneqanngitsut.
Aamma Manerassuarmi Tassaarsuarnut Kalerrisaarivik oqarpoq tassaarsuarmik ulorianartorsiortoqanngitsoq, kalerrisaarivilli Alaskami sajunnerup qiterpiaata eqqaani tassaarsuaqarsinnaasoq ilimasaarutigaa.