Naalagaaffiup sinniisua biskoppilu ukiortaami ilassinninnermi peqataapput
Dronningi uialu prinsi pffissami matumani ukiumoortumik ukiortaami ilassinnipput, tassani naalagaaffeqatigiinni pingaarutilimmik atorfillit tamarmik qaaqquneqarlutik
Dronning Margrethp prins Henriullu ukiortaami ilassinninnerat ukiortaap ulluanili aallartippoq, tamatumani dronningip, uiata prinsip, kunngissakkut kiisalu prins Joachimip prinsesse Mariellu qallunaat naalakkersuisui kiisalu immikkut qaaqqusat Christiansborgimi ukiortaami skåleeqatigalugit.
Kalaallit Nunaanni Naalagaaffiup Sinniisua Michala Engell aamma Kalaallit Nunaata biskoppia Sofie Petersen ukiumoortumik ukiortaami ilassinninnermi peqataapput, politimesterip Bjørn Bay-p ulluni makkunani Nunatsinni suliani pingaarnerutikkai.
Ukiuni untritilikkaani kunngikkormiut qallunaallu imminnut ukiortaami pilluaqqusarsimapput taamaasillutillu naalagaaffimmut tamarmut pilluarnermik pigissarnissamillu kissaassilutik.
Ulllutsinni ukiortaami ilassinnittarneq skåleeqatigiittarnerlu qangarpiaq aallartittoq ilisimaneqanngilaq, 1600-ukkulli qiteqqunnerannili ukiut nikinneranni pisut ileqqutoqanngorsimasutut oqaatigineqarsimapput, tamatumanilu tunngaviusumik atorneqartartut suli atuupput, kongehuset.dk allappoq.