Steffen Olsen toqukkut qimaguppoq

Aalisartorsuaq Steffen Olsen, Sisimiut, sivikitsumik napparsimareerluni pingasunngornermi toqukkut qimaguppoq. Steffen Olsen aalisartorsuup Lazarus Olsenip erneraa, taanna qanga Sisimiuni aalisarnermik siuarsaaqataalluarsimavoq.

Steffi inuusuttunnguullunili nammineersinnaalerpoq kingornalu aamma Sisimiuni aalisarnerup siuarsarneqarnerani sunniuteqarluarluni.

- Steffen Olsen inuusuttuunerminiit ukiorpassuit aalisarnermik inuussutissarsiornikkut ingerlatsisimavoq, pingaartumillu raajarniarnermi nunami suliffissuaqarnermut tulaassuinikkut inuiaqatigiinnut annertuumik ingerlatitsisuusimalluni.

- Taamaammat Steffen Olsen inuussutissarsiorluni angalermini sineriammi annertuumi eqeersimaartutut ilisarisimaneqarpoq, Sisimiullu aalisarnikkut ineriartorneranut immikkut annertuumik sunniuteqarsimalluni.

- Steffen Olsenip eqqaaneqarnera ataqqinartuuli!, KNAPKp siulittaasua Leif Fontaine eqqaaniaalluni oqaaseqammini allappoq.

Steffen Olsenip qimatarai nuliani panitillu marluk. 58-inik ukioqarluni toquvoq.