Nuup aamma Københavnip naapinnerat immikkuullarissoq
Suliniut angisuut pillugit inatsit aamma aatsitassanut inatsit ullormi oqaluusassanngortinneqartut oqaluuserineqalerpata illoqarfiit pingaarnersaasut marluk akornanni toqqaannartumik attaveqatigiittoqassaaq
Folketingimi nunarput pillugu ataatsimiititaq aamma Inatsisartut inuussutissarsiorneq pillugu ataatsimiititaat ukiumi nutaami Nuup Københavnillu akornanni toqqaannartumik tv'ikkut attaveqaaserlugit ataatsimiitinneqassapput. Tamanna Inatsisartut aamma Folketingip oqaluttuarisaanerani aatsaat pissaaq.
Inuussutissarsiorneq pillugu ataatsimiititaliaq aamma Grønlandsudvalget suliniutit angisuut pillugit inatsit aamma aatsitassanut inatsit oqaluttuarisaanermi ullormut oqaluuserisassaraat.
Christiansborgimi inimi 1-133, tv atorlugu ataatsimeersuarnerup ingerlanneqarfissaani assiliissutit arlallit inissitsitigaapput.
Ataatsimiineq pingasunngornermi decembarip 19-anni pisussatut aaqqinneqaraluarpoq kinguartinneqarlunili Inuussutissarsiorneq pillugu ataatsimiititaliamit ilaasortat kingusinaarlutik takkummata.
Ataatsimiinnissaq suli ullulerneqanngilaq.