Sineriammi ukiutoqaq eqqissisimaarfiusoq
Politiit isaannit isigalugu Sisimiuni aamma Qaqortumi ukiutoqqap unnua eqqissisimaarfiuvoq
Sisimiuni aamma Qaqortumi ukiutoqqap unnukkua annermik ilungersunartorsiorfiunngilaq.
- Sisimiuni ukiutoqqap unnukkua eqqissisimakannerpoq. Aatsaat ukiortaap ullaavani aggersaasoqarluni, angerlarsimaffimmi annikitsumik eqqissiviilliortoqartoq aalakoortoqartorlu. Ajortumik pisoqanngilaq kisianni angerlarsimaffinni eqqissiviilliornermut atatillugu inuk ataaseq tigusaraarput, taanna isertitsivimmi sinitsitaareerluni aqaguani iperagaavoq. Unnerluussisoqanngilaq, ulluinnarni Sisimiuni politiit pisortaat Karl Jørgen Lennert oqaluttuarpoq.
Kujataani ukiutoqqap unnukkua taamatuttaaq ajornerusunik pisoqarani eqqissisimaarfiuvoq.
- Angerlarsimaffimmi eqqissiviilliortoqarneranut atatillugu ataatsimik tigusaqarpugut. Taanna ulloq taanna iperagaavoq. Angerlarsimaffinni eqqissiviilliornerit suliassaanerupput annermik ajortumik pisoqarani, Qaqortumi politiit ittuat Bent Ole Kleist oqaluttuarpoq.
Ilulissani politiinit suli oqaaseqartitsisinnaasimanngilagut.