Politiit suli paasisaqanngillat

Nuummi Telep qullersaqarfiani tillinniarnermut annertuumut ikiuussinnaaguit politiinit tusarfigineqarusupputit

Soorlu Telemi upalungaarsimanissaq pillugu assilisani takuneqarsinnaasoq, Nuummi qullersaqarfimmi ikinnerpaamik tillinniat pingasut sapaatip akunnerata siuliani tallimanngornermi unnuakkut mobiltelefoninik, iPadinik aamma assiliissutinik 100.000 koruunit missaannik nalilinnik tillinneqarput. Assi: Telemi assiliiviit

Nukappiaaluk Hansen

pingasunn 02. uki 2013 15:13

Annonse

Ikinnerpaamik inuit tillinniarsimasut pingasut suli tigusarineqanngillat, sapaatip akunnerata siuliani Nuummi Telep qullersaqarfiani mobilinik, iPadinik assiliissutinillu 100.000 koruuninik nalilinnik tillittoqarneranut atatillugu.

Taamak ilisimatitsivoq Niels Nyvang, Nuummi politiini politikommissæriusoq.

- Paasissutissat suulluunniit nuannaarutigalugit tusarusuppagut suliamik paasiniaanitsinni atorsinnaasavut, Niels Nyvang Sermitsiaq.AG.'mut oqarpoq.

Telemi upalungaarsimanissaq pillugu assiliissutinit takuneqarsinnaavoq tillinniartut ikinnerpaamik pingasuusut.

- Tillinniat ukiui eqqoriarsinnaanngilakka assilisaniilli isiginnaakkatsinnit takusinnaavavut angutaasut.

- Inuit akikitsunik neqeroorfigitissagaluarunik tillinniarnermeersorisaminnik, Nuummi Politiit tusarlerneqarusupput, Niels Nyvang oqarpoq.

Taassuma kikkulluunniit upalungaarsimanissamit assiliissummit immiussat takoqqeqqullugit.

Telep paasissutissiisinnaasumut 5.000 koruunit neriorsuutigai imaluunniit tillinniarneq pillugu ilisimasallip atorsinnaasunik tusarliussisumut. Tillinniat Telep inaataanniinnermik nalaanni nasaqarsimapput, illumut igalaaq matorlu aserorlugit isersimallutik.