Qummoroortartumik isimigut eqqortittoq
Ukiutoqqami ukiortaallu unnuaani nuummi nakorsiartarfimmi sulisut ulappussimapput
Ukiutoqqami ukiortaallu unnuaani nuummi nakorsiartarfimmi suliassaaleqisoqarsimanngilaq. Inuk ataaseq qummoroortartumik isimigut eqqortissimavoq ajoquserlunilu. Kommuneqarfik Sermersuumi nakorsaaneq, Jesper Olesen taama nalunaarpoq.
- Ukiutoqqami ukiortaamilu ulapeqaagut. Inuk ataaseq isimigut qummoroortartumik eqqortissimanermi kingorna passussassanngorsimavoq. Qujanartumilli maannakkumut isaa ajunngitsumik mamissinnaarpasippoq isaatalu aaqqivissinnaanissaa ilimanaateqarluarpoq, Jesper Olesen oqarpoq.
Ajoqusernerillu amerlanerit inuit aalakoorpallaarlutik ajoqusersimasunik peqquteqarnerarpai.
- Nakorsiartarfiliartut amerlanerit aalakoorpallaarnertik pissutigalugu arlaatigut ajoqusersimasut amerlapput. Taamaattorli ajoquserujussuarsimansunik nalaataqanngilagut. Ajuusaarnarpoq imigassartorpallaarsimaneq pissutigalugu taama amerlatigisut ajoqusersimammata, kimulluunniimmi tamanna nuanninngilaq, Kommuneqarfik Sermersuumi nakorsaaneq oqarpoq ilassutigalugulu Kommuneqarfik Sermersuup illoqarfiini nunaqarfiinilu ajoquserujussuartoqarsimasoqarpalunngitsoq.