Antuut: Nallinnanngilagut

Kattusseqatigiit Partiiaani siulittaasup Anthon Frederiksenip ukiortaami oqalugiaammini imminut qanoq paasinerput naalakkersuisooqatigiinnilu suleqatigiinneq pillugit oqaaseqarpoq

Kattusseqatigiit Partiiani siulittaasup Anthon Frederiksenip ukiortaami oqalugiarnermini immitsinnut paasinerput naalakkersuisooqatigiinnilu suleqatigiinneq eqqartorpai. Foto: Leiff Josefsen

- Immitsinnut nallinnartutut isiginata, kisiannili saperata ikioqatigiilluta nunatta inuisalu siunissaat maannakkut aamma aningaasarpassuit atorlugit assigiinngitsorpassuarnik pilersaarusiorfigineqartoq suleqataaffigitigu.

Taama ukiortaami oqalugiaammini Kattusseqatigiit Partiiani siulittaasoq Anthon Frederiksen kajumissaaruteqarpoq.

Naalakkersuisut siulittaasuata Kuupik Kleistip Inuit Ataqatigiinneersup rtaami oqalugiaammini Frederik 'Kunngi' Kristensenip taalliaa ’Naammanngilarmi ai’ issuaavigigaa Anthon Frederiksenip USA-mi præsidentiusimasup John F. Kennedyp oqaasii ’Ask not what your country can do for you, ask what you can do’ (“Aperissanngilatit nunavit illit qanoq iliuuseqarfigisinnaaneraatit, aperissuutilli illit nunat qanoq iliuuseqarfigisinnaanerlugu”) issuarpai.

Tamanan pivoq namminersornissamik kissaateqarnermut atatillugu.

Naalakkersuisooqatigiinni suleqatigiinneq nersualaarpaa
Ukiortaami oqalugiaammini Anthon Frederiksenip naalakkersuisooqatigiinni suleqatigiinneq aamma isummerfigaa:

- Tamakku inuiaqatigiinnut akisoorujussuit qujanartumik maanna qinigaaffimmi naajartulersumi aqqusaarneqanngillat. Tassa tatigeqatigiinneq, paaseqatigiiffiusumik oqaloqatigiilluarsinnaaneq atorlugu angusaqarusulluni sulinerup takussutissartaasa ilai.

- Naalakkersuisooqatigiileratta oqaatigineqarpungut taamaallaat qaammatialunnguit atasinnaasungut, kisianni naalakkersuisooqatigiinnermi tatiginassuseq aamma oqaloqatigiilluartarnertigut ilaanni isumaqatigiiginnarfiunngitsuni, taamaattorli tamatigut paaseqatigiiffiusartuni maannamut atasinnaassuserput uppernarsarlugulu takutipparput.

-Taamatut attanneqarsinnaasumik politikikkut isumaqatigiissutit nalinginnaasuunngitsut tamanit takuneqarsinnaavoq. Tassami oqaluttuarisaanermi nalaattuarlugillu takujuarsimavangut, qinigaaffiup ataatsip iluarni naalakkersuisut taarseraannerujussuat, naalakkersuisooqatigiit avissaartarnerat, Anthon Frederiksen erseqqissaavoq.

Læs hele formand for Kattusseqatigiit Partiiat Anthon Frederiksens nytårsudtalelse på dansk og grønlandsk i de vedhæftede filer herunder

Powered by Labrador CMS