Nunarput oqaatsimik ataatsimik eqqaanngilaa

Dronningip ukiortaami oqalugiaataani Naalagaaffeqatigiinneq aamma siunissaq pillugu oqaatsit atugai, statsministerip ukiortaami oqalugiarnermini Naalagaaffeqatigiinneq, Kalaallit Nunaat imaluunniit maannakkut Kalaallit Nunaanni aatsitassanik suliassaqarfimmi ineriartortoqarnera pillugu oqaatsit atugaannut naleqqiullugit.

Aningaasanik ajornartorsiornerup maannakkut Danmark eqqorpaa, tamatuma kingorna unammilligassanngortut aaqqinneqartussat angipput, statsminister Helle Thorning-Schmidtip ukiortaami oqalugiarnini aallarnerpaa, inuusuttut ilinniagaqarnissaannik kaammattuuteqartoq. Kisianni naalagaaffeqatigiinni innuttaasut sinnerinut tamaginnut, Kalaallit Nunaanni aamma Savalimmiuni najugalinnut oqaatsimik ataatsimilluunniit inuulluaqqussummilluunniit oqaaseqanngilaq.

Kisianni nukiit amerlanerit atorlugu Kina aamma Korea niuernermik ingerlatsiffiussapput:

- Nunani soorlu Kina aamma Koreatut ittuni innuttaasut sukkasuumik pisuunngoriartorput. Uagut Danmarkimi pikkoriffigisavut pisariaqartikkaluttuinnarpaat. Inuussutissat peqqinnartut, ataavartumik nukissiorneq, aamma utoqqanik pitsaasumik paaqqinninneq, Helle Thorning-Schmidt oqarpoq.

- Qallunaat suliffeqarfiutaat ullut tamaasa nutaanik atuisussarsiorlutik suleqatissarsiorlutillu ilungersorput. Pingaaruteqarpoq. Uagut nunarsuup sinneranik niueqateqarnissaq anguniarutsigu. Asiamut tuniniaaneq Danmarkimi tunisassiornermik suliffeqarfinnillu pilersitsivoq. Taamaattumik tuniniaavissatut periarfissarsiornermi naalakkersuisunit ilungersuuteqarput, Christiansborgimit statsminister Helle Thorning-Schmidt oqarpoq.

Ajornartorsiorneq malunnarpoq
- Suliffeqarfiit ikilisimapput. Ingerlatsiviit arlallit ajornartorsiorput. Toqqissisimannginnerup aningaasaatitsinnik uninngatitsiinnarput. Arlallit suut takkuttussat ernummatigaat. Kisianni tassa toqqissisimanngitsoqartillugu Danmarkip asasatta ineriartortittuarnissaata isumagisariaqarparput. Nunami toqqissisimanartumi immitsinnut paaqqutariffigisatsinni, statsministeri oqarpoq nangillunilu:

- Meerartatta ilinniagaqarsinnaaffiat. Angajoqqaagut pisariaqartitsisut utoqqaat illuanni inissallit. Inuit inuunerminni atugarliortut paaqqutarineqarsinnaarat pigalugu. Tamakku immikkuullarinnitsinnut pissutaasut tigummiinnaassavavut. Ataatsimoornerput. Danmarki ajornartorsiornermit toqqissisimasumik qaangiisissavarput. Aamma tamat peqataasariaqarput, Danmarkimi arnanit siullersaalluni statsministeriusoq ukiortaami oqalugiaammini oqarpoq.

Ilaqutariissuseq allanngoriartorpoq
Statsministerip ukioq manna aammaarluni ilaqutariit ikittuarakkuutaannguit qallunaat angerlarsimaffiini mikisuni amerlaqisuni najugallit salliuteqqippai. - Aappariippassuit ataannarneq ajorput. Amerlaqisut avittarput. Aamma ilaqutariit marlunnut avikkaangata artornartarpoq. Nalunngilarpulli ajunngitsumik ingerlasoqarsinnaasoq. Kanngunanngilaq aamma takornartaanngilaq. Ilaqutariit tassaagaangata anaanaq meeqqallu marlussuit, ilaqutariittut allatulli ajunngitsigisarput, statsminister Helle Thorning-Schmidt oqarpoq, piffissani sivisuuni niviarsiaraatimink marlunnik kisimeeqateqartartoq, nangillunilu: .

- Ukiorpaat matuma siorna angutit marluk arnalluunniit marluk inooqaatigiikkaangata isiginerluttoqartarpoq. Kisianni uagut Danmarkimi aalajangernikuuvugut kikkut imminnut asassanersut nalilersussanagit. Nunarsuarmi siullerpaajulluta pisortatigoortumik inooqatigiittut allassimaqatigiissinnaanermik akuersisummik ingerlatsilersut, statsminister Helle Thorning-Schmidt oqarpoq.

Siorna suiaassuseqatigiit ilagiinni katitinneqarsinnaanerat eqqunneqarpoq. Uagut ataatsimooqatigiinnerput aamma allanik paaqqutarinninnerput nukittunerulersimapput inooriaatsit nutaaliaanerusut inissaqartinnerulernerisigut, Helle Thorning-Schmidt oqarpoq.