Politiit: Ikiortariaqarpugut

Nuummi Politiit tallimanngornermi unnuakkut Nuummi Telemi Qullersaqarfimmi tillinniarnermut atatillugu suli paasisaqanngillat

Nuummi Telemi qullersaqarfimmi sillimanissaq pillugu assilisanit soorlu takuneqarsinnaasoq ikinnerpaamik inuit pingasut tillinniarnermi peqataapput, tillinniarneq tallimanngornermi unnuakkut pisoq tupaallaatigineqarpoq, ilaatigut mobilit, iPadit, assiliissutillu katillutik 100.000 koruuninik nalillit tillinneqarput. Assi: Tele

Nukappiaaluk Hansen

ataasinng 31. dec 2012 13:10

Annonse

Nuummi Telep qullersaqarfiani sillimanissaq pillugu assiliivinnit takuneqarsinnaavoq tallimanngornermi unnuakkut tillinniarnermi tupaallannartumi inuit ikinnerpaamik pingasut peqataasimasut. Tillinniarnermi ilaatigut mobilit, iPadit aamma assiliissutit katillutik 100.000 koruuninik nalillit tammaaneqarput.

Ajoraluartumilli politiit aamma Telep ilisimasaat tassunga killeqarput.

Ullumi ukiutoqqap ulluani paasisanik killiffik tassaniilluni.

- Suliami suli paasissutissanik allanik peqanngilagut naak arlalinnik apersugaqaraluarluta. Tusagassiivinnit inuinnarnillu ikiorserneqartariaqarpugut taamaaliorluta aatsaat tillissimasut tillitallu paasisaqarfigissavavut, Nuummi politiinit pigaartut ittuat Carl Sværd Sermitsiaq.AG'mut oqarpoq.

Telemit neriorsuutigineqarpoq tillinniarnermut atatillugu paasissutissiisinnaasoq 5.000 koruuninik pissarsitinneqassasoq. Tillinniat Telemi ininut igalaamik matumillu aseruillutik isertut tillinniarnermik nalaani kiinnatik asseqqavaat.