Meeqqat juullisioqatigiinnissaat piffissaq kingulleq piviusunngortinneqarpoq
Nerisassat, poortukkat juullip inuanit pulaarneqarneq Nuummi katersortarfimmi meeqqat juullisiortinneqarneranni nuannisartitsippu
Meeqqat 30 miss. angajoqqaallu 20 Nuummi katersortarfimmi juulliaqqami nal. 15-imiit 22-mut nalliuttorsioqatigiipput.
Mamakujuttut, juullimi nerisassat, qitinneq poortugarpassuillu, utaqqinermilu Disney Juleshowimik isiginnaarneq, kiortaaneq napparsimaviullu klovnianit Mikimit aliikkusersorneqarneq.
Illoqarfimmi suliffeqarfiit arlallit namminnerlu kajumissutsi naapertorlugu ikiuuttut unnuk kikkunnut tamanut nuannernerulaarsippaa. Juullimi nerisassat nalinginnaasat pingasut sassaalliutigineqarput naatsiialerlugit, miseqqerlugit, rødkålilerlugit soorunami naggataatigut aamma ris a la mande.
Ukioq manna aaqqissuussinissaagaluaq taamaatikkaluarpoq
Patsisit arlallit tunngavigalugit ukioq manna aaqqissuussineq taamaatinneqaraluarpoq. Suliniummik ingerlatsisut ukioq manna aaqqissuussinissaq ullunik qulinik sioqqullugu paasivaat. Sapaatip akunnerata ingerlanerani nerisassat tamaasa pissarsiaraat nalinginnaasumik juullisiutaasartut. Inunnut 100-nut nerisssiortoqarpoq. Meeqqat tamarmik minnerpaamik marlunnik poortugarsipput ilaqutariillu tamarmik filmeriarnissamut billitsinnalluti.
Suliniuteqartut Allan Iversen aamma Christina Mølholm Sermitsiaq.AG'mut oqaluttuarput:
- Juullimi arlaannik ikiuussinnaanerput ujartorparput. Paasigatsigu Meeqqat Juulliat taamaatiinnarneqarsimasoq sukkasuumik aalajangerpugut. Sapaatip akunnerata naanerani 15.000 koruunit katersoreersimavaat aamma nerisassanut akiliisussarsipallallutik. Ikiuuttunik kisissaanngitsunik ilaqariaramik meeqqanut juullisiortitsisinnaalerput taakkununnga naapertuuttumik, taamannallu ikiuussinnaanerput nuannaarutigeqaarput.