Kalaallit Nunaat Korea kujallermi allaaserineqarpoq
Korea kujallermi nukissiornermi atugassanik nunanit allanit eqqussuineq pisariaqarpoq - taamaattumik aningaasaliiffissatut aamma isumaqatigiissutissatut periarfissat qujarunneqarlutik - tamakkua Kalaallit Nunaata Korea kujallermut tikeraarneranit pinngorsinnaapput
Kalaallit Nunaat koramiut aningaasaliisartuinit marlunnit soqutigineqarpoq.
Taamak The Korea Times ullumi allappoq Naalakkersuisut siulittaasuata Kuupik Kleistip decembarip aallartinnerani tikeraarneranik allaatiginnittoq.
Aviisimi allaatigineqarpoq kalaallit issatsiaq Korea kujallermut tikeraarneranni pingaarnertut siunertaasoq suleqatigisinnaasanik nassaarnissaq, Kalaallit Nunaata aatsitassarpassuinik aningaasaleerusuttunut. Korami kujallermi nukissiornermut tunngasuni nunanit allanit eqqussuinissaq pisariaqartinneqarpoq, sanaartukkanik oqimaatsunik ingerlatsiinnassagaanni.
Koreamiut suliffeqarfiutaat ataasinnarluunniit piffissami matumani Kalaallit Nunaanni suliaqanngilaq. Maannali KOGASimit tunisassiorfissuarnut aningaasaliisinnaaneq paasivaat, Kalaallit Nunaata Korea kujallermi tikeraarluni suleqatissarsiorneq aallaavigaa, aviisi allappoq.
KOGASimit soqutigineqarluarpoq pinngortitamit isumalluutinut periarfissaqalernissani Kalaallit Nunaannit aappaagu aatsitassarsiornianut qinnuteqarnissamik aappaagu periarfissiisoqarpat, aviisi allappoq. Paasissutissiisoq tassaanerarneqarpoq Korea Gas Corportaion, KOGAS sinniisoq.
Allaaserisaq tamaa uani atuarsinnaavat.