Nuummi paatsiveqanngitsumik ingerlaarnerit taamaatissapput

Kikkulluunniit ullaakkut qimaannarneqassaassapput. Nuup Bussiisa ullaakkut uivertoqarujussuartarnera pissutigalugu bussit arlallit angalaartilissavai.

Ilaasartut tattorliuttaqaat maannali pitsanngoriaatissamik aaqqiilerpugut. Bussit ingerlaartut ataatsimik ilapput. Assi: Leiff Josefsen
Bussit sungaartut nuannarineqaqaat. Pingaartumik ulapaarfiup nalaani. Qinngutsinnut bussit marlukkaarlutik apuuttarput inoqarluarlutik. Assi: Leiff Josefsen
Ilaasartut tattorliuttaqaat maannali pitsanngoriaatissamik aaqqiilerpugut. Bussit ingerlaartut ataatsimik ilapput. Assi: Leiff Josefsen Bussit sungaartut nuannarineqaqaat. Pingaartumik ulapaarfiup nalaani. Qinngutsinnut bussit marlukkaarlutik apuuttarput inoqarluarlutik. Assi: Leiff Josefsen Ilaasartut tattorliuttaqaat maannali pitsanngoriaatissamik aaqqiilerpugut. Bussit ingerlaartut ataatsimik ilapput. Assi: Leiff Josefsen Bussit sungaartut nuannarineqaqaat. Pingaartumik ulapaarfiup nalaani. Qinngutsinnut bussit marlukkaarlutik apuuttarput inoqarluarlutik. Assi: Leiff Josefsen Ilaasartut tattorliuttaqaat maannali pitsanngoriaatissamik aaqqiilerpugut. Bussit ingerlaartut ataatsimik ilapput. Assi: Leiff Josefsen Bussit sungaartut nuannarineqaqaat. Pingaartumik ulapaarfiup nalaani. Qinngutsinnut bussit marlukkaarlutik apuuttarput inoqarluarlutik. Assi: Leiff Josefsen

Ukioq manna Qinngutsinnit bussinik illoqarfiliarneq assigiinngitsunik misigisassaqarfiuvoq.

Ulapiffiup nalaani inuit imminnut imannaannaq qanillisariaqartarsimapput!

Ilami bussini ilaasut ilaanni ima qanitsigalutik nikorfasarsimapput allaat meeqqat meeqqerivimmiittartutut angitigisut tattoqilliorteqalugit isertinneqaqqatartarlutik.

Maannali inissaqartitsisoqarnerulissaaq.

- Ilisimavarput sapaatit-akunnerisa ilaat ajorluinnartunik misigisaqarfiusartut. Piffissani ulapaarfiunerpaani nalinginnaasumik ullaakkut nalunaaqqutap arfineq-marluk arfineq-pingasullu akornanni aamma ualikkut sisamat tallimallu akornanni - aquttunut ilaasunullu pitsaanngitsunik atugassaqartitsisarsimavugut. Ingasattumik ulapaartoqarpoq. Taamaattumik aamma aalajangiupparput bussernissamut periarfissanik amerlisaaniarluta, Nuup Bussiini pisortaq Michael Driefer naqissusiivoq.

Pilersaarutaaqqaaraluarpoq ukiortaaq aallarnerfigalugu 1A-mik ataatsimik ilasilluta ingerlaartitsilernissarput. Taassumalli aallartinnissaa siuartinneqarpoq.

- Taamaaliornissamut bussissaqarpugut aamma aallartinnissamut utaqqinissaq pisariaqanngilaq. Pingaartumik juulleriartulernera eqqarsaatigalugu. Bussimik ataatsimik ilanngussinitsigut iluaqqusiinissaq ilimagaarput, Michael Driefer oqarpoq.

Ilaasartut misigisartagaasa ilagaat bussit ullaakkut ima ulikkaaqatigisarnerat allaat bussinik ingerlatsitsisut bussit unittarfiisa ilaat sanioqqutiinnartarlugit matunik ammaaqqaaratilluunniit. Inuit ilaaniat utaqqisarfinniittut qimaannartariaqartarpaat.

Aamma takuneqarsinnaasarpoq bussinik ingerlatsitsisut eqaalluinnartunik periuseqartartut bussini inuit nikeriarfissaarullugit ilaasorisarlugit. Ullaat ilaanni allatut ajornartumik taamaaliortariaqartarput. Millimeterinnguamilluunniit nikeriarfeerullugit! Tamannarpiaq pissutigalugu inuit ilaat suliffimminnut inortuisoortarput.

- Taamaattariaqanngilaq! Ilaasartutsinnut aalajaatsunut kiffartuussinerput pitsaasuusariaqarpoq, Michael Driefer naliliivoq.

Qaarpiaanut

Qinngutsinni najugallit amerliartornerisa kinguneranik ulapaarfiup nalaani bussini inissaqarniarneq ilungersunartorsiorfiulerpoq. Piffissami kingullermi inissiat nutaat Issittumi Sakkutooqarfiup sulisuinit atorneqalerput. Aamma ilaqutariit 30-t allat Quassussuup alannguanut nuussimalereerput.

- Qinngutsinni sukkasoorujussuarmik ineriartortoqarpoq ineriartornermullu malinnaavugut. Immaqa aamma bussinik nutaanik pisinniartariaqalissaagut, Nuup Bussiini pisortaaneq oqarpoq.

Ajornartorsiut alla tassaavoq – pingaartumik ullaakkut qiianarluni nillertillugu – Qinngutsinni inissiani nutaani najugallit busserniartillutik Hans Lyngep atuarfiata eqqaanut ingerlaqqaartariaqartarnerat. Ukiortaap kingorna 1 A’t Suloqqap qaavanut unittalissapput. Taamaaliornikkut tamaani najugallit ualikkut angerlaraangamik niuerniakkatik sivisuumik assartortariaarutissavaat.

Piffissaq ungasinnerusoq eqqarsaatigalugu

Piffissaq qaninnerusoq isigalugu bussinik ingerlatsiviup ajornartorsiutit ilaat aaqqinniarpai bussinik amerlanernik ingerlaartitsilernermigut. Piffissaq ungasinnerusoq eqqarsaatigalugu allanngortiterinerit sakkortunerit ingerlanneqassapput.

- Kommuneqarfik Sermersooq aamma siunnersuinermik ingerlatsisut peqatigalugit suliamik aallartitsisoqarpoq, ilaatigut ilaasunik kisitsinernik imalik, taamaaliorluta paasisinnaaniassavarput aqqutit sorliit ullup ingerlanerani atorneqarnerpaajunersut. Pilersaarutaavoq tamakku aallaavigalugit siunissami ingerlaartarfissatsinnut pilersaarummik saqqummiussinissarput, taanna politikerinit aamma oqaluuserineqassaaq. Taannali suliassaq aasaru sulinngiffeqartoqareerpat aatsaat ingerlanneqassaaq tamannali Qinngutsinnit ilaasartutsinnit utaqqineqartariaqanngilaq, Michael Driefer oqarpoq.

Ilaasartut allannguutit qanoq ittut naatsorsuutigisariaqarpaat?

- Assigiinngitsunik eqarsaatersuuteqarpugut. Illoqarfiup ineriartorneranut atatillugu neqeroorutivut ineriartortittariaqarpavut. Maannakkorpiaq allannguutissatut aaqqitavut tassaapput 1A’t aappaa illoqarfiup iluani aqqutaata allaanerulaartumik ingerlanneqarnissaa, ilaatigut Katuap aamma Nuup Centerip eqqaani taamaaliornitsigut ilaasutta aqqusineq ikaaqqaarlugu centeriliartarnerat pinaveersaartinneqassammat, Michael Driefer oqarpoq.

Nuummi pisussat pillugit Nuuk Ugeavis atuaruk. Nuuk Ugeavis akeqanngitsumik uani aasinnaavat:

Powered by Labrador CMS