Ikummatissap akia unammissutaalissaaq
Ukiup nikinnerani uuliamik tuniniaasut namminneq benziinap, gasuuliap petruuliullu akingi aalajangersinnaalissavaat - akinik unammineq aallartinneqarpoq
Annonse
2013-imi januaarip aallaqqaataanit Nunatsinni ikummatissat akii qaffasinnerpaaffeqalissapput.
Ukiortaap kingorna sumiiffinni ataasiakkaani namminersorlutik ikummatissaarniat benziinap, gasuuliap aamma petroliup akii namminneerlutik aalajangersinnaalissavaat, Polaroil tusagassiorfinnut allappoq.
Nutarterinermi piumasaqaatituaavoq, akit qaffasinnerpaaffissaattut inissitap benziina literimut 5,85 koruunit aamma gasuuliamut liiterimut 5,95 koruunit - qaangerneqassanngitsut.
Manna tikillugu akit appasinnerpaaffissaat aalajangerneqanngilaq, taamaattumik uuliamik tuniniaasut amerlanernik pisisartoqalerniarunik akinik apparsaasinnaaneq periarfissaraat.