Thorning Kalaallit Nunaat pillugu isumasiorneqartoq
Enhedslistip qallunaat ministeriunerat apeqqutinik isornartorsiorpalaartunik imannaannaq saqqummiussiffigaa, maannalu Nunatsinni aatsitassarsiorneq pillugu ataatsimeeqatiseralugu
Enhedslistenip maanna ministeriuneq Helle Thorning-Schmidt, Socialdemokraterne, Kalaallit Nunaat pillugu ataatsimeeqatiseraa.
Folketingip nittartagaani takuneqarsinnaavoq.
- Ministeriuneq qinnuigineqarpoq nassuiaqqullugu, decembarip 19-ianni 2012, Berlingske Tidendemi paasissutissat ilumoornerarsinnaanerai, ministeriunerup nunanut allanut ministeri Villy Søvndalimut erseqqissaaffigisimagaa, suliffeqarfinnik aalajangersimasunik Kalaallit Nunaanni aatsitassarsiorneq pillugu ataatsimeeqateqassanngitsoq, Enhedslistinip folketingimut ilaasortaatitaanit Finn Sørensen tutsiuppoq.
- Ministeriuneq tassunga ilanngullugu nassuiaaqquneqarpoq, Naalakkersuisut siulittaasuata Kuupik Kleistip Politikenimi novembarip 20-anni 2012, innersuussinera tunuliaqutaralugu sunik suliniuteqarsimanersoq, naalagaaffeqatigiinnerup iluani assigiimmik periarfissaqarluni suleqatigiinnissaq anguniarlugu, taamatuttaaq aatsitassarsiornermi aningaasarsiornissaq anguniarlugu aningaasaliissutinik assigiinngitsunik periarfissat mianersorfissaasinnaasullu suut misissorsimanerai, Finn Sørensenip aggersaanermini apeqquteqarpoq.
- Kingullertut Ministeriuneq qinnuigineqarpoq akuersaarnerlugu nassuiaqqullugu - kalaallit Naalakkersuisuisa kissaatigissappassuk - tapertaallutik misissorsinnaaneraat periarfissanillu ingerlatsillutik, ass. Nordisk Investeringsbank imaluunniit qallunaat soraarnerussutisiassanut katersiviisa Kalaallit Nunaanni suliniutinut angisuunut aningaasaliisutut ilanngunneqarsinnaanerat?