Kuupik naalakkersuisut nikinnerat neriulluaatigaa
Korea Kujallermi issatsiaq tikeraarnermi erseqqissaatigineqarpoq præsidentimik nutaamik qinersisoqassagaluarpa nunap immikkut ittumik Kalaallit Nunaannik suleqateqarnerup ineriartortup allannguutigissanngikkaa
Korea Kujallermi pingasunngornermi aatsaat nunami tassani arnamik præsidentissatut qinersisoqarpoq. Februaarimi aappaagu Park Geun-hye nunat kangilliit ilaanni pissaanermik tigummisuulissaaq.
Nunami tassani arnamik præsidentissamik qinersisoqarnera immini tupinnartuliaagaluartoq, maannakkorpiaq nalunarpoq Kalaallit Nunaata Korea Kujallermik suleqateqarniarneranut qanoq tamanna sunniuteqassasoq, Naalakkersuisut siulittaasuat Kuupik Kleist, IA, qineqqusaarnermik nammineq malinnaasimasoq oqarpoq.
- Maannakkorpiaq oqaatigiuminaappoq Kalaallit Nunaannut qanoq sunniuteqarnissaa eqqoriassallugu, Sermitsiaq.AG'mut naliliivoq.
- Pissaanermik tigummisup nikinneragut suleqatigiinnissamik suliniutitta allanngortinneqarnissaat kissaatiginngilaat, Kuupik Kleist oqarpoq, taamaattumik qularinagu isumaqatigiissutit tamakku Kalaallit Nunaata Korea Kujallermik isumaqatigiissutai atuutussaatitaasut.
Tamatuma saniatigut Korea Kujallermit aatsitassanik qulakkeerinnikkusunneq angivoq kinaluunniit pissaanermik tigummigaluarpat. Kuupik Kleist naapertorlugu, Korea Kujallermi præsidentimut kimulluunniit pisussaaffiuvoq qulakkiissallugu, aatsitassat pinngortitamiillu isumalluutit nunami tunisassiorsinnaarnerup ingerlatiinnarnissaanut pisariaqartinneqartut pissarsiarineqarsinnaanissaat