Inuttut nutaamik rekordiliilluni angugaanissaq qulakkeeraa
Arpattartoq Liza Tuperna Itzchaky sapaatip akunnerata naanerani qallunaat arpanneranni ajugaavoq - tamatuma saniatigut inuttut angusai aatsaat taamak pitsaatigipput. Sulili angusarinnerusinnaavoq, inuttaa nammineq oqarpoq
Frost Cup Danmark immikkoortuata aappaa sapaatip akunnerata naanerani Københavnimi ingerlanneqarpoq. Immikkoortumi siullermi ajugaasoq Karina Berner-Magnusson, peqataanngilaq. Taamaammat Liza Tuperna Itzchakyp siullertut inissinnissaa ilimanaateqarluni.
Liza Tuperna Itzchaky asfaltimi nukittuneruvoq tamannalumi sapaatip akunnerata naanerani unamminermi ersersillugu. Vibeke Hansen immikkoortumi siullermi normu 3-nngortoq, 30 sekundinik kingulliuvoq. Immikkoortup aappaani minutsip aappaa avillugu qaangerneqarluni.
- Sapaatiummat arpanninnit suli sukkanermik arpassinnaagaluarpunga unamminerni tamakkunani ullugissaarfinni. Sungiusarnermi aalajangersimasumik angusaqarnissaq kingornalu arpaffimmik annikillisaanissaq tamarmik isumagineqartarput taamaasillunga nissukka qasunnginnerussammata kilometerinik arfinilinnik arpareernerma kingorna nissunnik annialernissara tikissinnaalerlugu, taamaaliornikkut apuukkaangama annernangaartarmat isigisaaruttutulluunniit taaneqarsinnaavoq, Liza Tuperna Itzchaky oqarpoq.
- Arpaffik manissukujuuinnarsuuvoq Danmarkimili asfaldikkut 10 kilometerimik arpaffik aatsaat taamak qatsissisarluni apparfiutigaaq taamaattumik siunissami angusinnaasakka neriunaateqarluarput. Qularutigineqassanngilaq Allan Zachariasen peqatigalugu sungiusarnera iluaqqutaasoq. 10 kilometerinik arpattarninni angusakka 3 sekundinik pitsaanerulersippakka.
Frost Cup immikkoortuata pingajuat sapaammi januaarip arfernganni 2013 ingerlanneqassaaq.