Namminersorlutik oqartussat taasinerup inernera ajuusaarutigaa
Namminersorlutik oqartussat ajuusaarutigaat SIK-p immikkoortortaasa aasaq namminersorlutik oqartussat SIK-llu isumaqatigiissutigisaat akuerinngimmassuk
Namminersorlutik oqartussani sulisunut decamberimi akissarsiat qaqugukkut akilerneqartassanersut pillugit aaqqigiinnginneq ingerlajuarsinnarpoq.
Namminersorlutik oqartussani isumaqatigiinniartarnermut allaffimmit maannakkut tikkuarneqarpoq juullilernerani akissarsitsisarneq pillugu suliaq Namminersorlutik Oqartussat sulisitsisutut aammalu namminersorlutik oqartussani sulisut kattuffinni assigiinngitsuni ilaasortaasut tassunga ilanngulluni SIK-mi ilaasortaasut akornanni suliassaammat.
- Kommunit sulisuminnut juullilernerani akissarsisitsisarnerminnik ingerlatsiinarnerat Namminersorlutik Oqartussat sulisitsisutut isummerfigisinnaanngilaat, soorluttaaq suliffeqarfiit namminersortut akissarsisitsisarneri Namminersorlutik Oqartussanit akuleruffigineqarsinnaanngitsut. Suliffeqarfiit ilaat juullilernerani akissarsisitsisarput suliffeqarfiillu ilaat Namminersorlutik Oqartussat assigalugit qaammatip naanerani aatsaat akissarsisitsisarlutik, namminersorlutik oqartussat nalunaarput.
Læs "AK: Hårdt slag for Naalakkersuisut"
Læs "Atassut i intern strid om juleløn"
Læs "Kommuner fastholder juleløn"
Namminersorlutik oqartussat ajuusaarput
SIK Ukioq manna isumaqatiginninniarnernut tunngatillugu SIK-ip juullilernerani akissarsisitsisarneq pingaarnersatut inississimavaa. Paarlattuanik Namminersorlutik Oqartussat ukioq kingulleq isumaqatigiissutigineqartoq aalajangiusimallugu. Namminersorlutik Oqartussani sulisut juullilernerani akissarsisarunnaarnissaat kattuffiit allat tamarmik ukiumoortumik isumaqatiginninniarnerit aqqutigalugit akuersissutigereerpaat.
- Namminersorlutik Oqartussat SIK-llu angusat pillugit aasaq isumaqatigiissutaata SIK-ip immikkoortortaqarfiinit akueriumaneqarsimannginnera Namminersorlutik Oqartussat ajuusaarutigaat. Angusat pillugit isumaqatigiissut juullilernera akissarsisarnermik ilaqartinneqanngitsoq, taamaattorli SIK-ip ilaasortaasa akissarsiaanik naammaginartumik qaffariartitsisoq kattuffinnit allanut sanilliullugu qaffasinnerusumik, soorluttaaq Namminersorlutik Oqartussat ukiut marlukkaartumik isumaqatigiissuteqartarnissaq akuerisimagaat naak ukiut sisamakkaartumik isumaqatigiissuteqartarnissaq anguniagaasimagaluartoq, namminersorlutik oqartussat nalunaarput.