Kommunit juulli sioqqullugu aningaasarsisitsissaaq
Nunatsinni kommunit sisamaasut namminersorlutik oqartussat paarlattuanik iliorlutik juulli sioqqullugu aningaasarsisitsissapput
Namminersorlutik oqartussani decembarimi aningaasarsiassat qaammatip naanerani aatsaat tunniiunnianeqartut, nunatsinni kommunini sisamaasuni atorfillit juulli sioqqullugu aningaasarsissapput - pisarneq naapertorlugu.
Taamak KNR'ip radioavisia nalunaarpoq.
Pisarnertitut ingerlatsissaagut, Kommuneqarfik Sermersuumi kommunaldirektøri, Søren Hald oqarpoq:
- Kommunit tamanna pillugu siorna oqallipput, siunnersuullu tapersinnginnamikku Juulli sioqqullugu akissarsisitsisarnerup taama iluseqartillugu attanneqarnissaa siunniuppaat, Kommuneqarfik Sermersuumi pisortaaneq Søren Hald Møller KNR'imut oqarpoq.
Kommune Kujallermit assingusumik oqartoqarpoq:
- Apeqqut taanna Aningaasaqarnermut ataatsimiititaliatsinnut saqqummiussimavarput, aammalu taassuma akuerivaa juullertinnagu akissarsisitsisinnaasugut, Kommune Kujallermi pisortaaneq Jørgen Vetterlain oqarpoq.
Qeqqata Kommuniani sulisut juullertinnagu akissarsitinneqartarnerat ileqquummat tamanna attanniaritsik, Qeqqata Kommuniata pisortaanerata Paneeraq Olsenip oqaatigaa, juullertinnagulu akissarsisitsinnginnissamik Namminersorlutik Oqartussanit peqquneqarsimannginnertik erseqqissaatigalugu, KNR nittartakkamini allappoq.