Svane: Akiliginneqqisaannerup nunaqarfiit ulorianartorsiortikkai
Royal Greenlandip aamma Halibut Greenlandip akiginneqqusaannerat nunaqarfinni marlunni qullukkanik tunisassiorneq ulorianartorsiortippaat. Borgmesteri siunnersuuteqarpoq isumaqatigiittoqarnissaanik nunaqarfinni tulaassuineq qulakkeerniarlugu
Oqaatsuni aamma Ilimanami qullukkanik tunisassiorneq Royal Greenland aamma Halibut Greenlandip unammillernerannit ulorianartorsiortinneqarpoq.
Ingerlatsiviit qalerallit akiinik unamminerat pissutaalluni Qaasuitsup Kommuniani, borgmesteri, Jess Svane, Siumut, isumaqarpoq akit ima qaffasitsigilersut nunaqarfinni marlunni tunisassiorfiit malinnaasinnaajunnaarneqarlutik
- Ajoraluartumik nunaqarfiit marluk ima sakkortugisumik eqqorneqarput eqqarsarnangaartumik unittoorlutik. Taamannak pisoqarnera assut eqqarsarnarpoq nalunagu qanoq annikitsigisumik iliuuseqartoqartariaqartoq aallarteqqinnissaat anguniarlugit. Royal Greenlandip aamma Halibut Greenlandip Ilulissani qaleralinnik tunisinermi akigititaat aallaavigineqarnerannit qalerallit akii qaffarujussuarput tamatumallu nassataanik nunaqarfiit marluk eqqorneqarlutik. Tamakku aallaaviullutik qullukkanik tunisassiorneq imminut akilersinnaasorineqanngilaq, Qaasuitsup Kommuniani borgmesteri Jess Svane tusarliivoq.
Jess Svane siunnersuuteqarpoq isumaqatigiittoqarnissaanik taamaasiornikkut qulakkeerneqassaaq qalerallit 200 tonsit nunaqarfinnut tulaanneqassasut qaleralinnik tunisassiorneq taamallu nunaqarfinni marlunni suliffissaqartitsineq ingerlaavarsinnaaqqullugit.