Angerlarsimaffimmi ujajaasoq suli alla tigusarineqartoq
Qaammammi matumani siusinnerusukkut angerlarsimaffimmi sualuttumik ujajaasoqareersorlu Qaqortumi politiinit inuit 16-it aamma 19-it akornanni ukiullit tallimat tigusarineqarsimalerput
Angut 18-inik ukiulik Qaqortumi sapaammi decembarip qulingiluaani angerlarsimaffimmi ujajaasoqarnerata kingorna januaarip pingajuata tungaanut tigummigallagassanngortinneqarpoq.
Taamaalillutik angerlarsimaffimmi ujajaanerup uissuumminartup inuit kiinarpalersorsimasut aallaammik savinnillu marlunnik sakkulersorlutik Qaqortumi angerlarsimaffiit ilaannut iserlutik najugaqartumit aningaasanik pinngitsaaliillutik tunniussititsiffigisaata kingorna tigummigallarneqartut tallimanik amerlassuseqalerput.
Læs "Fire fyre erkender væbnet hjemmerøveri"
Læs "Groft hjemmerøveri i Qaqortoq"
- Suliami inunnik tallimanik tigummigallagaqalernersi politiinit qanoq tupaallaatigineqartigaa?
- Tigusarinneqqinnitsigut ilimagisarput uppernarsarneqarpoq.
- Ujajaasunik allanik suli peqarnissaa ilimagaajuk?
- Imaalillugu oqaatigilara: Periarfissat tamaasa ammatippavut. Tupaallatsinneqaqqissinnaavugummi, Bent Ole Kleist oqarpoq.
Angut 18-inik ukiulik tallimanngormat tigummigallagassanngortitaasoq tigummigallarneqartut 16-it aamma 19-it akornanni ukiullit allat assigalugit pisuunerminik nassuerutiginnippoq.