KNR pillugu nalunaarusiaq takkutilerpoq
Innuttaasunik kiffartuussivimmik arlaannaannulluunniit attuumassuteqanngitsut misissuinerat naammassivoq. Nalunaarusiaq saqqummingajalerpoq
Ilaqutariinnermut, kultureqarnermut, ilageeqarnermut nalingiissimaanermullu naalakkersuisioqarfiup innuttaasunik kiffartuussivik KNR pillugu arlaannaannulluunniit attuumassuteqanngitsunit misissuisitsinermi nalunaarusiaq tigusimalerpaa.
Nalunaarusiaq qallunaatuumiit kalaallisuunngortinneqartussaavoq kingornalu saqqummissalluni, naalakkersuisoqarfimmiit tusagassiuutitigut nalunaarummi allassimavoq.
Læs "KNRs krise skal frem i lyset"
Ukiumi nutaami tamanna pissagunarpoq, allassimavoq.
Misissuisitsineq naalakkersuisunit suliakkiutaavoq, KNR-imut aningaasaliissutit qanoq pitsaanerusumik atorneqarsinnaanersut misissoqquneqarluni.
KNR ukiorpassuarni aningaasatigut ingerlanerliorsimavoq, arlaleriarlunilu soraarsitsisoqartariaqartarluni.
Ukioq manna siusinnerusukkut naalakkersuisut KNR-ip akiitsui 15 million koruunit isumakkeerpai.
KNR-mut ukiumoortumik aningaasaliissutit isornartorsiorneqartuartarput, ilaatigut Tusagassiuinermi Sulisut Peqatigiiffianit oqaatigineqarluni KNR 'amikkisaartinneqartoq'.