Isummat paaffiat allisillugu

Suliniutinut angisuunut inatsit Danmarkip aamma Kalaallit Nunaata akornanni avissaartuunermik pilersitsivoq, Bo Lidegaard Politikenimi ullumi allappoq

Bo Lidegaardip aarlerisaarutigaa Kalaallit Nunaat nunanik allanik pinngitsuuisinnaajunnaarsinnaasoq. Assi: Polfoto

- Suliniutinut angisuunut inatsit nalilersoraanni silatusaarnerussaaq aallarniutigalugu suna pineqannginnersoq eqqartoraanni. Qallunaat-nunaanni suliffissaqartitsinermi atugassarititaasunut tunngassuteqanngilaq. Aamma qallunaat aaqqissuussinerannut tunnganngilaq qallunaalluunniit sulinermik inuussutissarsiutillit kattuffiannut. Tamakkiisumimmi oqaatigalugu Danmarkimut attuumassuteqanngilaq, Bo Lidegaard ullumi Politikenimi allappoq nangillunilu:

- Kalaallit Nunaannut tunngassuteqarpoq aamma kalaallit inuiaqatigiivisa aatsitassatnik akuutissanillu nunaminni atorluaaniarnerannut tunngassuteqarpoq. Taamaattumik tassunga oqartussaaffik Kalaallit Nunaata 2009-mi namminersorluni ingerlatsilerami tiguaa. Taamaattumik kalaallit politikerii isumaqarput, Enhedslisten imaluunniit Dansk Folkeparti qallunaalluunniit partiivi allat soorlu sulinermik inuussutissarsiuteqartut kattuffii sammisami tassani imminnut nalilersuisartuunerpaattut inississanngitsut, taanna Kalaallit Nunaanni Inatsisartunit akuersissutigineqareermat, aaqqissuisuuneq tikkuaavoq, ilanngullugu mianersoqqussutigalugu, inatsisip Inatsisartuni akuersissutigineratigut misilittagaalissasoq inuiaqatigiit kalaallit aningaasaatilissuarnut qanoq naleqqussarsinnaanerannut aamma inuiaqatigiinnguani aningaasaliisussat qanoq annertutigisumik sunniuteqarsinnaanerannut aningaasaliisussaanerat pissutigalugu.

- Suna tamaat atorlugu Kalaallit Nunaanni aamma Danmarkimi politikerit mianersorlutik malinnaaffigisariaqarpaat ineriartornerup ingerlanissaa, Bo Lidegaard naqissusiivoq eqqaasitsissutigalugu tamanna tunngavigalugu Naalakkersuisut siulittaasuat Kuupik Kleist, Inuit Ataqatigiit kaammattuuteqartoq nunat immikkoortuisa marluiit taakku, ataatsimoorlutik Kalaallit Nunaanni pinngortitamit isumalluutinik suleqatigiissutiginissaat anguniassagaat, aamma suliniut taanna ministeriunerup ajunngitsumik qisuariarfigigaa.

Naggataatigummi Kalaallit Nunaannut aalajangiisuuleratarsinnaavoq qallunaat imaluunniit nunani avannarlermiut soqutigissaneraat ineriartornermi peqataanissaq imaluunniit tassaassanersut ingerlatsiviit naalagaaffinnit nakkutigineqartut suliassaqarfimmik aallussissanersut. Tamanna naalakkersuisut siulittaasuata aamma ministeriunerup soorlu Jens B. Frederiksen aamma Margrethe Vestagerip tamarmik nalunngilaat.

- Apeqqutaaginnassaaq ilisimasatik iliuuseqarnermut nuutissinnaaneraat Kalaallit Nunaata allanik suleqateqarluni aallartisarnini ima ingerlatilersimanngippagu qallunaat peqataanissaat soqutaajunnarsimassalluni?

- Apeqqummut akissut suli ammavoq. Kisiannili manna erseqqippoq qallunaat suliniutinut angisuunut inatsimmik akornusiiniarnerat Kalaallit Nunaata sukkanerpaaq atorlugu Danmarkimit pinngitsuuisinnaanini annikillisinniassavaa, Danmarkimi soqutigineqarnerusungammat Kalaallit Nunaanni ineriartornerup unitsinneqarnissaa soqutiginnilluni peqataanermiit, Bo Lidegaard mianersoqqusivoq.

Læs hele Bo Lidegaards kommentar her

Powered by Labrador CMS