Hashimik aqajarormiulik aallarunneqartariaqartoq
Angut Sisimiuniit Nuummut aallarunneqartariaqarsimavoq hashimerngit qulit iisimallugit anillatsinneq sapileramigit
Angut inuusuttoq Sisimiunit Nuummi Dronning Ingridip Napparsimavissualiaanneqarpoq hashiminernik poortanik qulinik iioraasimanermi kingorna, Qeqqani politiit ilisimatitsipput.
Angutip sapaatip akunnerata ingerlanerani Danmarkimi hashi iiorarsimavaa Sisimiunulli tikinnermi kingorna Sisimiuni Peqqissaaveqarfimmut imminut innartittariaqarsimavoq, hashi pissusissamisut anillassinnaajunnaarmat - angullu inuusuttoq naaminik annialersimammat.
- Pisup ersersiinnarpaa ikiaroorniutit ilormioralugit qanoq ulorianartigisinnaanersut, Sisimiuni politiinit oqaatigineqarpoq.
Sumiiffimmi politiit pisortaat Johan Davidsen, Sermitsiaq.AG-mut oqarpoq angutip inuusuttup ukiui oqaatigisinnaanagit erseqqissaatigaluguli angut ikiaroornartut pillugit inatsimmik unioqqutitsisimasutut unnerluunneqassasoq aamma angut ajunngitsoq naak peqqumaasersorsimanera tupinnakulussinnaagaluartoq.