Video: Brugsenimi Flash mob
Qaqortumi Brugsenimi tallimanngornermi ualikkut niuffattut uissuummisinneqartut
Ualikkut sisamat qaangitsiaraa tassanngaannaq nipilersuut aallartippoq ilisiviillu assigiinngitsut eqqaanni arnat 13-it nueriataarrapput nipilersuummullu qitilerlutik. Minutsialuit qaangiummata qitinneq taamaateqqimmat tammaqqipput juullissamullu niuffannitik nangeqqillugit.
Tassa Flash mob-ertut, aatsaat Qaqortumi taamaaliortoqarsorineqarpoq. Aliikkusersuisut tassaapput arnat arlallit aggusti aallarnerfigalugu inuunerminnik allanngortitseqatigiittut nerisaminnik, timigissariaatsiminnik killissaminnillu qaangiinissaminnillu immikkut aallussillutik. Tallimanngornermi iliuuserisaat kingullertut taasamut ilaavoq. Suleqatigiit oqaluttuarpoq maannakkut 20-ullutik sapaatip akunneranut arlaleriarlutik eqaarsaartarfimmi naapittarlutik ilaatigut crossfitsimik sungiusarlutik.
Arnat allat Qaqortumi taamannak misilitaqarasutut Petrine Thomsenimut saaffiginnissinnaapput.