Suliniutit angisuut pillugit inatsit

Nunanit allanit suliartortussat akissarsiat minnerpaaffissaat allallu pisinnaatitaaffiit naapertorlugit akissaasersorneqassapput, Sara Olsvig (IA) oqarpoq

Kalaallit sulisussat, kalaallit suliffeqarfiutaasa allallu inuiaqatigiinniittut nunanit allanit suliffeqarfinnik taakkulu kiffartuussititaannik isumaqatigiissuteqartoqartussaavoq, Sara Olsvig oqarpoq. Foto: IA Folketingimi

Nunatsinni suliniutit angisuut pillugit inatsimmi aaqqiagiinngissutaaqisumi periarfissiisoqanngilaq suliffeqarfiit nunanit allanit suliartortunut akissarsiatigut akilinaaralutik suliartortitsisinnaanissaannut.

Taama isumaqarpoq nunatsinni partiimi naalakkersuisuutitaqartumi IA-mi Folketingimi ilaasortaq Sara Olsvig.

Sara Olsvigip ilungersorluni sulissutigaa qallunaat naalakkesuinermik suliaqartut paasinerluinerannik aaqqiiniarneq. Atuaruk: "Sara: Ikke rimeligt, Danmark"

Taama oqariartuuteqarpoq qallunaat nunaanni sulisartut kattuffiisat qullersai ilimasaarereersullu nunat tamat akornanni eqqartuussivimmut suliassanngortitsinissamik, inatsimmi periarfissaqartitsisoqarmat Kinamiorpassuit Kalaallit Nunaannuqarsinnaanissaat Kinamilu isumaqatigiissutit naapertorlugit saviminiliorfimmik sanaartorlutik.

Læs: LO varsler sag mod regeringen

- Paasisinnaasarput naapertorlugu suliniutit angisuut pillugit inatsit naapertorlugu akikinaaraluni sulisussarsiortoqarsinnaanngilaq, Sara Olsvig oqarpoq.

Læs: Jurister: LO har en god sag

Sulisut kattuffiata 3F-p siulittaasuata Poul Erik Skov Christensenip qularutiginngilaa suliniutit angisuut pillugit inatsit nunat tamat akornanni kiffaanngissuseqarluni isumaqatigiinniarsinnaanermik isumaqatigiissutinik unioqqutsinerusoq.

Læs: Stort fagforbund: Ekstremt skamfuldt

Tamannali Sara Olsvigip eqqunngitsuunerarpaa.
- Inatsimmi periarfissaqarpoq Kalaallit Nunaanni sulisartut sulisitsisullu kattuffiisa nunanit allanit suliartortunik isumaqatigiissuteqarsinnaanissaannut, naalakkersuinermik sulialik oqarpoq.

Erseqqissarpaa nunatsinni akissarsiat minnerpaaffissaqarnissaat inatsimmi ersarissumik allassimavoq tamannalu nunanit allanit suliartortunut aamma atuuttoq. Suut ilanngaattigineqarsinnaanersut annerpaaffissalerneqarsimavoq, ilaatigut ineqarnermut najugaqarnermullu.
- Kalaallit sulisussat, kalaallit suliffeqarfiutaasa allallu inuiaqatigiinniittut nunanit allanit suliffeqarfinnik taakkulu kiffartuussititaannik isumaqatigiissuteqartoqartussaavoq, Sara Olsvig oqarpoq.

IA sinnerlugu Inatsisartunut ilaasortap Naaja Nathanielsenip aamma Ritzaumimut erseqqissarpaa inatsit arlaannaatigulluunni sulisussanik 'akikitsunik' ammaassinngitsoq.

Læs. Skrabet dansk viden om Grønland er problematisk

Sapaatit akunnera ataaseq matuma siornagut Kalaallit Nunaanni suliniutit angisuut pillugit inatsit aaqqiagiinngissutaaqisoq akuerineqarpoq. Tassani suliffeqarfissuit Kalaallit Nunaanni annertuumik aningaasaliiniartut inatsisitigut tunngavissinneqarput.
Inatsilli piviusunngussammat Danmark akuersisariaqarpoq.

Powered by Labrador CMS