Meeqqat inuusuttullu sumiginnakkat aningaasarpassuarnik tunineqarput
Villum Fonden nunatsinni meeqqanut inuusuttunullu atugarliortunut suliniuteqarnermut 5,5 million koruuninik tunissuteqarpoq
Kingumunaasiit Villum Fonden siunertamut pitsaasumut annertuumik tunissuteqarpoq.
Maannakkut aningaasaateqarfissuaq 5,5 million koruuninik nunatsinni meeqqanut inuusuttunut atuagarliortunut suliniuteqarnermut tunissuteqaqqippoq.
Aningaasat kalaallinik perorsaasunik ilinniartitsinermut atorneqassapput Kangerlussuarmilu inuusuttunut 10-nut ulloq unnuarlu neqeroorummik ammaanissamut. Suliniut isumaginninnikkut perorsaanikkullu ornittakkamit 'Kanonenimit' suliarineqassaaq, taakkumi Danmarkimi inuusuttunut ajornartorsiuteqartunut sulinerminni ukiuni 10-ni misilittagaqarput.
Villum Fondenip tapersiinera 'akisussaassuseqarnissamut toqqaannartumik oqariartuutaavoq' nunatsinnimi isumaginninnikkut annertuumik ajornartorsiuteqartpugut sulissutigineqarannut tunngasunik, meeqqammi inuusuttullu annertuumik ajornartorsiuteqartut Danmarkimut nassiunneqartarput munatsinni taakkununnga ulloq unnuarlu angerlarsimaffiit sulisussallu ilinniarluarsimasut aningaataammata.
Læs "Grønland får ny døgninstitution"
'Kanonen' januaarimi piariissaaq
Suliniut aningaasaateqarfimmit nammineq pigisumit 'Kanonimit' Kangerlussuarmi suliarineqassaaq namminersorlutik oqartussanit akuerineqarluni. Kalaallinik sulisussanik ilinniartitaaneq marloqiusaasoq nutaaq Ilulissani Perorsaanermik ilinniarfik suleqatigalugu ingerlanneqassaaq.
Ulloq unnuarlu neqeroorutissaq januaarip 1-ani 2013-imi ammassaaq. Ingerlanneqarnera nalinginnaasut kommuninit inissiisunit aningaasalersorneqassaaq. Anguniagaavoq ulloq unnuarlu neqeroorutip nunatsinni ingerlatsivimmut imminut pigisumut tunniunnissaa ukiut tallimat missaat ingerlareerpata.