Assiisivik: Ikuallanneq ima sakkortutigaaq
Tallimanngornermi nal. 9.15 missaani Nuummi Qullilerfimmi inissiat ilaanni ikuallanneq aallartippoq. Sermitsiaq.AG'p assiliisua sumiiffimmiippoq
Annonse
Isiginnittut oqaluttuarpoq arnaq ataaseq annaassiniartartunit inissiaqarfimmit ikiorneqarluni anisinneqartoq. Arnaq anninneqarami ajorpasinngilaq.
Nuummi Qullilerfimmi ikuallanneq - inissiani allerni aallartissimagunarpoq. Tassanngaanniimmi inneq igalaanit sakkortoqaluni anillattarpoq illup sinaagut qummut ingerlaarluni. Piffissap ilaani innerup qilaaq angugaluarpaa. Tamatuma saniatigut sakkortuumik pujuliortoqalerluni. Pujoq igalaanit sakkortuumik anialluni.
Ikuallannerup qanoq aallartissimanera suli paasineqanngilaq.
Sermitsiaq.AG’p assiliisua, Leiff Josefsen, aaqqissuisoqarfimmut uterami ikuallannermit assit imaannaanngitsut nassarpai.