Sara: Danmark, naleqqutinngilaq
Nunatsinni suliniutinut angisuunut Danmarkip akornusiisariaqannginneranik Danmarkimi partiit paasitinniarlugit IA sinnerlugu Folketingimut ilaasortaq ulapippoq
Kalaallit Nunaanni suliniutit angisuut piviusunngorsinnaanissaat qularnaarniarlugu immikkut inatsisissap akerleriissutaasup akuersissutigineqarnissaa qulakkeerniarlugu Sara Olsvig suliaqarpoq. Danmarkimi naalakkersuisut inatsisissamik saqqummiussisussat akuersaarput inatsisissamulli amerlanerussuteqartut suli pissarsiarineqaratik.
Læs "V og K kan afgøre Grønlands fremtid"
- Danmarkimi partiit saamerleriit talerperliilllu oqaaseqartartui oqaloqatigaakka, Sara Olsvig oqarpoq, partiilli ilaasa oqallinnermi pissusilersornerat naammaginngilluinnarnerarlugu:
- Kalaallit Nunaanni najugaqarallarsinnaanermut sulisinnaanermullu akuersissutinut apeqqut partiit ilaannit Danmarkimi nunap iluani sammisassatut inissikkumaneqartoruussuuvoq. Isumaqarpungalu tamanna pissusissamisuunngitsoq, Sara Olsvig Sermitsiaq.AG-mut oqarpoq.
Læs "Doris: De vil ikke forstå, at kolonitiden er forbi"
- Inatsisinik atortitsinermut ministerimit inatsisissatut siunnersuut pigutsigu (immikkut inatsisissatut utaqqineqartoq, aaqq.) pissusiviusut misissortariaqassavavut, taava Danmarkimi politikerit qinnuigissavakka suliami tassani pissutsinik immikkut isiginninniaqqullugit, nangilluni oqarpoq.
Sara Olsvig isumaqarpoq, suliniutinut angisuunut inatsit pillugu Danmarkimi ulluni kingullerni oqallinnerujussuaq naliliinernik eqqunngitsunik tunngaveqartoq:
Læs "Analyse: Thorning har ingen andre muligheder"
- Suliniutinut angisuunut inatsisip akuersissutigineqarneranik Danmarkimi tusagassiuutit sammisaqarnerat ajoraluartumik kukkunernik ulikkaarmat Danmarkimi politikerit inatsit pillugu paasissutissat piviusunik peqarnissaat sapinngisannik qulakkeerniarpara. Tamatuma iluarsiiviginissaa sulissutigaara Danmarkimi oqallinnerup paasissutissanik eqqunngitsunik tunngaveqarnissaa soorunami pissusissamisuunngimmat.
Læs "Færøsk storskala-håndsrækning"
Taamaattumik Sara Olsvigip aamma siunnersuutigaa Folketingimi Kalaallit Nunaannut ataatsimiititaliap Inatsisartuni inuussutissarsiornermut ataatsimiititaliaq ataatsimeeqatigissagaa suliniutinut angisuunut inatsisip piviusumik imarisai politikerinit tamakkiisumik takuneqarsinnaaleqqullugit.