Angutit sisamat sakkulerlutik ujajaasimanertik nassuerutigaat
Ujajaasut sisamat 16-it 19-illu akornanni ukioqartut ulluni 28-ni tigummigallagassanngortitaapput
Qaqortumi politiit ullup-qeqqata siornatigut nalunaarput angutit sisamat 16-inik, 16-inik, 18-inik 19-inillu ukiullit Qaqortumi sapaatiummat angerlarsimaffimmi ujajaanerup sualuttup kingorna ulluni 28-ni tigummigallagassanngortitaasut.
Angutit taakkua sapaammi unnukkumiit tigusariortorneqalerput Qaqortumilu eqqartuussivimmut sassartinneqarlutik.
- Tigummigallagaasut sisamat taakkua illoqarfimmi pineqaatissinneqarsimasunut inissiisarfimmut inissinneqarput, tigummigallarneqarnerinilu 16-inik ukiullit marluk inissinneqarfissaannik naleqquttunik nassaarnissaq Kommune Kujallermit sulissutigineqarpoq, Kujataani Politiini politikommissæri nunallu immikkoortuani aqutsisoq Bent Ole Kleist oqarpoq.
Læs "Groft hjemmerøveri i Qaqortoq"
- Angutit taakkua sisamat sumi nassaarineqarpatt?
- Tamanna annerusumik iserfigerusunngilara, kisianni tamarmik nassuerput, Bent Ole Kleist oqarpoq.
Angutit kiinarpalersorsimasut aallaammik savinnillu marlunnik sakkulisaarlutik Qaqortumi Kamikoorfimmi blok E-mi angerlarsimaffimmut iserput, kingornalu nalunaarutiginnittoq aningaasanik tunniussinissamut sakkut atorlugit qunusaarlugu.