Imeq aamma inaallagiaq akikillissapput
Erngup innaallagissallu akia nunatsinni najugaqarfinni amerlanerni Nukissiorfimmit appartinneqarpoq. Illuatungagut ungasiagut kiassarneqarnerup akia qaffassaaq.
Nukissiorfiit erngup innaallagissallu akiisa qaffasinnerpaaffiat nunatsinni sumiiffinni amerlanerpaani apparpai - ilaqutariinnut marlunnik meeralinnut 2013-imi 770 koruunit missaannik sipaarutaassasoq, nukissiornermik ingerlatsiffiup tusagassiutinut nalunaarutigaa.
Innaallagissamut akigitinneqartuni sipaarutaasoq innaallagissamut akigitinneqartut nunap immikkoortiterneqarnerani immikkoortuni 70-iusuni taakku ilaanni 59-ini akiligassatigut malugineqassaaq, pisisartut maannakkut taakkunani innaallagissamut akigitinneqartoq qaffasinneq akilertarpaat.
Innaallagissamut akigitinneqartuni sipaarutaasoq innaallagissamut akigitinneqartut nunap immikkoortiterneqarnerani immikkoortuni 70-iusuni taakku ilaanni 59-ini akiligassatigut malugineqassaaq, pisisartut maannakkut taakkunani innaallagissamut akigitinneqartoq qaffasinneq akilertarpaat.
Illuatungaani ungasianiit kiassaateqartinneqartut akingi aamma kiassarnermut akiliut qaffassapput.
Nukissiorfiit tamakkiisumik takussutissiaa ima isikkoqalerpoq:
• Innaallagissamut akigitinneqartoq qaffasinneq 0,18 kr.-inik appariassaaq 3,24 kr./kWh-imut..
• Imermut akigitinneqartoq qaffasinneq 0,94 kr.-inik appariassaaq 34,94 kr./m3-imut.
• Kiassarnermut akigitinneqartoq, uuliap akia tunngavigalugu assigiimmik akeqartinneqartoq qaffassaaq 0,04 kr./kWh-imut 0,82 kr./kWh-imut akeqalerluni, innaallagissamik kiassarneq qaminneqarsinnaanngitsumut aamma 0,75 kr./kWh-imut innaallagissamut kiassarneq qaminneqarsinnaasumut.
• Kiassaateqarfinniit kiassarneq 0,035 kr./kWh-imut qaffassaaq kiassarneq aalajangersimasoq akeqalerluni 0,817 kr./kWh aamma kiassarneq qaminneqarsinnaasoq 0,752 kr./kWh-imut akeqalerluni.
Nikinganernut nassuiaatit:
· Ataatsimut isigalugu imermut akigitinneqartoq appassaaq, kisianni Sisimiuni qaffalluni. Ilaatigut tamatumunnga pissutaavoq 2011-mi akigitinneqartup appasippallaartumik inissinneqarsimanera. Aningaasartuutiviit naatsorsuutigisamit qaffasinnerupput, tassa aalisakkerivimmi tunisassiorneq iluarsaassineq pissutigalugu piffissap ilaani uninngammat. Tamatumunnga ilanngunneqassapput nalikilliliinernut aningaasartuutit qaffannerat.
· Ataatsimut isigalugu innaallagissamut akigitinneqartoq appassaaq, kisianni Innaarsunni qaffalluni. Tamatumunnga pissutaasut annersaraat aalisakkeriviup atuinera 2011-mut naleqqiullugu affaannanngornissaa.
· Aalisakkerivinnut innaallagissamut akigitinneqartoq sumiiffinni arlalinni qaffassaaq, naak akigitinneqartoq inuinnarnut pisisartunut apparaluartoq. Taamaattoqarneranut pissutaavoq aalisakkeriviit aningaasartuutiviit 41,5 %-iinik akiliisarnerat, taannalu akigitinneqartunik qaffasinnernik annertuneruvoq. Uuliamut aningaasartuutiviit qaffakkiartorput, tamatumunngalu ilanngunneqassaaq akigitinneqartut 2011-mi ataatsimut isigalugit qaffasissusilerneqarnerisa appasippallaarnerat.