Kattuffissuaq: Kanngunarluinnarpoq
Danmarkimi sulinermik inuussutissarsiutillit peqatigiiffissuat 3F, akerineqarsinnaanngitsutut taavaa, Kalaallit Nunaanni akissaatikitsunik sulisoqarnissaa qallunaat naalakkersuisuisa akuersaarmassuk
Soorlu Dansk Folkepartip siulittaasuata, Kristian Thulesen Dahl, suliniutinut angisuunut inatsit akuersaanngilluinnaraa, sulinermik inuussutissarsiutillit kattuffiani 3F'imi siulittaasup Poul Erik Skov Christensen inatsit ileqimisaartuutigaa.
- Kanngunaqqiffissaqanngilaq danskit naalakkersuisuisa apeqqummi tassani tatigisatta, politikkimik naleqartitanik ingerlatsineq aallaavigalugu aningaasaatilissuit aalajangiisuunnginnissaannik naqissusiinngimmat, taamaaliorluni sulisussat ajorluinnartunik atugassaqartitaallutik sulisinnaalersillugit. Uanga pakatsisorujussuuvunga aalajangiussimasamik ersersitsisoqanngimmat inatsimmillu matuminnga peersitsisoqanngimmat, Poul Erik Skov Christensen Politikenimut oqarpoq.
Sulinermik inuussutissarsiutillit kattuffiata akuerineqarsinnaannginnerarpaa naalakkersuisut Kalaallit Nunaanni akissaatikitsunik sulisoqarnissamik akuersaarmata.
Dansk Folkepartip siulittaasuata, Kristian Thulesen Dahl, isumaqarpoq danskit naalakkersuisuisa kinamiut suliartortitat nunaminni akissaasersueriaaseq aallaavigalugu Kalaallit Nunaannik tiguaanissaannik akuersaarnerat 'maajunnaannangajattorluunniit'.
Fagligt Fælles Forbund - ulluinnarni 3F - Danmarkimi sulinermik inuussutissarsiutillit kattuffiisa annersaraat 2011/2012 ukiup nikinnerani 349.049-nik ilaasortaqarpoq.