Danmarkip Kinamut qaninniarnini nangippaa

Kinamut attaveqarnerup annertusarnissaa Danmarkimi naalakkersuisut sulissutigaat. Nunanut allanut ministeri Villy Søvndal ulluni aggersuni tikeraassaaq6845023e7f5c6ecf2764a62dd969c3f7.

Binary Data
Villy Søvndal qanittukkut nunatsinnut tikeraarpoq. Maanna Kinamut tikeraalerpoq. Asseq: Namminersorlutik Oqartussat

Danmarkimi nunanut allanut ministeri Villy Søvndal (SF) decembarip aqqarnganiit aqqaneq-pingajuanut Kinamut pisortatigoortumik tikeraassaaq. Taama nunanut allanut ministereqarfik ilisimatitsivoq.

Kunngissakkut qallunaat piorsarsimassusaannik inuussutissarsiornermillu nittarsaassiniarlutik Kinamut tikeraaqqammersullu nunanut allanut ministerip tikeraarnera pissaaq.

Læs "Kuupik: Ingen soloudmeldinger om Tibet"

Villy Søvndalip sapaatip-akunnerani matumani tikeraarnermini Kinami nunanut allanut ministeri Yang Jiechi, nunanut allanut ministerip tullersortaa Le Yuchen ministerillu tullia Ai Ping kommunistpartiimi nunanut tamalaat akornannut tunngasumi immikkoortortaqarfimmeersoq ataatsimeeqatigissavai.

Angalaneq pissaaq Kinami kommunistpartiimi 18-issaanik ataatsimeersuarneq aqutsisullu nikinnerat pereersimatsiartorlu. Taamaattumik attaveqatigiinnerup pitsaasup uppernarsarnissaa suleqatigiinnerullu annertusarnerata ingerlateqqinnissaata Kinami aqutsisunut nutaanut oqaloqatigiissutiginissaa Villy Søvndalip anguniassavaa.

Nukissiorneq avatangiisillu
Nunanut allanut ministerip aamma Kinami inuiaqatigiinnut sinniisut arlalissuit naapeqatigissavai inuit pisinnaatitaaffiinut tunngasuni ineriartorneq, Kinami politikkikku tineriartorneq internettillu Kinamut pingaarutaa oqaloqatigiissutigiumallugit.

Villy Søvndalip aamma eqqartuussiveqarnermut tunngasuni ineriartorneq inatsisitigut immikkut ilisimasalinnut oqaloqatigiissutigissavaa.

Læs "Naaja: Vi skal tale Tibets sag"

Taamaatuttaaq nunanut allanut ministerip nukissiuutit avatangiisillu pillugit attaveqatigiiffimmik aaqqissuussineq Kinamiut qallunaallu suliffeqarfiinit peqataaffigineqartoq ammassavaa.

Hu Jintao Kinami præsidentini siullersaalluni juunimi Danmarkimut tikeraarpoq, taamanerniillu ministeriuneq Helle Thorning-Schmidt (S) aamma Kinamut tikeraarsimalluni.

Danmark nunani avannarlerni kisiartaalluni Kinamik periusissatigut suleqateqalersimavoq.

Powered by Labrador CMS