Orpiliaq kissaateqarfiusinnaasoq Sisimiunut annguppoq
Ileqquusoq malillugu Orpiliaq kissaateqarfiusinnaasoq nunatsinni illoqarfinnut assigiinngitsunut siaruaappoq, maannalu Sisimiunut apuussimalerpoq
Annonse
Orpiliaq kissaateqarfiusinnaasoq meeqqanut inuusuttuaqqanullu kissaatigisaminnik imaaliallaannaq pisaarsinnaanngitsunut saaffiginnittuuvoq.
Meeqqat inuusuttuaqqallu 100-200 koruunit missaanik nalilimmik kissaateqarsinnaapput julisisimiut@gmail.com-imullu nassiullugu imaluunniit kissaatitik allattoriarlugit Kalaalimineerniarfiup eqqaani allakkanut nakkartittivimmut nakkartissinnaavaat.
Kissaateqarnermi ilanngunneqassaaq niviarsiaraanerluni nukappiaraanerluniluunniit, ateraasat angissusaat atisallu angissutsit sorliit atortanerlugit, kiisalu atit, najukkat aammalu oqarasuaatip normua. Qinnuteqartut tamarmik kinaassusaat saqqummiunneqassanngilaq. Tunissutissat orpiliap kissaateqarfiup ikiortaanik agguaanneqassaput 22. aamma 23. december.
Orpiliamut kissaateqarfiusinnaasumut tunissuteqarusuttut aamma tunissuteqarsinnaapput, kissaatillu Sisimiuni pisinarfimmut aalajangersimasunut allagarsiinikkut ikkunneqarumaarput
Læs mere om ønsketræet i Sisimiut på Facebook