Inuluugineqarneq atugarliornerlu pillugit paasiniaalersut
Aalborgimi kalaaliusutut ajornartorsiutit naammattoorneqarsinnaasut Kalaallit Illuutaani tusarniaavigineqassapput
"Asasakka kalaaleqatikka".
Facebookimi naapittarfeqatigiiffimmi "Kalaallit Danmarkimiittut", 900-ngajannik ilaasortalimmi taamatut allattoqarpoq.
Decembarip 17-ianni nalunaaqutaq 19 Aalborgimi Kalaallit Illuutaanni oqaluuserineqassaaq Danmarkimi kalaaliulluni atugarliuutaasinnaasut.
- Inuit, malersorneqartutut misigisimasut qitornaminnillu pinngitsaalisamik arsaarneqarsimasut illersorniarlugit taamaasiornissatsinnut aalajangersimavugut. Tusarniaanikkut qulaajarneqassaaq qanoq iliortoqarsinnaanersoq. Piffissanngorpoq erseqqissassallugu Kalaallit Nunaanni allarluinnarmik kultureqartugut. Neriuppugut amerlasuut takkukkumaartut, Jens-Jørgen Broberg allappoq.
Aalborgimi inuluugineqartutut (qinngasaarneqartutut) malersorneqartutulluunniit misigisaqarsimaguit aviisip AG-p tusarfigerusuppaatit. Uunga allassinnaavutit redaktion@sermitsiaq,AG, nalunaaqutserlugu inuluugineqarneq.