Timersornermut 200.000 koruunit
Royal Greenlandip Kalaallit Nunaanni Timersoqatigiit Kattuffiannut aningaasaliisutut isumaqatigiissutini 2013-ip tungaanut sivitsorpaa
Kalaallit Nunaanni Timersoqatigiit Kattuffiat 2013-imi 60-iliilluni nalliuttorsiussaaq, tamannalu pissaaq Royal Greenland tunuliaqutaralugu. Royal Greenlandip piumassutsiminnik timersornermik aallussisut 200,000 koruuninik tapiiffigai, Kalaallit Nunaanni Timersoqatigiit Kattuffiannik aningaasaliisutut isumaqatigiissumminik 2013-imut sivitsuinermigut.
- Nuannaarutigalugu Royal Greenlandip specialforbundini meeqqat inuusuttullu peqqinnartumik sammisaqarnissaat tapersersueqataaffigaa, Kalaallit Nunaanni Timersoqatigiit Kattuffiannik aningaasaliisutut isumaqatigiissutip sivitsorneratigut, Mikael Thinghuus, Royal Greenlandip pisortaanera, oqarpoq.
- Kalaallit Nunaanni timersornermut iluaqutaasorujussuuvoq Royal Greenlandip piumassutsimik timersorneq 2013-imi 200.000 koruuninik tapiiffigeqqimmagu. Aningaasat sunngiffimminni piumassutsiminnik meeqqanik inuusuttunillu peqqinnartumik sammisaqarnissaannik sullissisunut atorneqassapput, Finn Meinel, Kalaallit Nunaanni Timersoqatigiit Kattuffianni siulittaasup tullia oqarpoq.
Suleqatigiinnissamik isumaqatigiissummi Royal Greenlandip pingaartippaa aningaasaliisumit anngaasat specialforbundini meeqqat inuusuttullu peqqinnartumik sammisaqarnissaannut immikkoortinneqarnissaat.