kinamiut aggissapput
Suliniussuarnut inatsit akuersissutigineqarpoq - suliniussuarnut inatsisikkut nutaakkut sulisartunik nunat allamiunik akikitsunik atuinissaq ammaanneqarpoq
Inatsisartut ullumi tallimanngornermi aatsitassanut inatsit akuersissutigaat, tassuunakkullu ilaatigut sulisartut nunat allamiut akikitsut atorneqarsinnaanerat ammaanneqapoq. Inatsisikkut aatsitassanik piiaaffinnik ingerlatsineq siuarsarneqassaaq.
Siunnersuut 13-inik taasisoqarluni akuersissutigineqarpoq, akerliullunilu taasisoqanngilaq.
Sapaatip akunnerisa marluk matuma siornatigulli inatsit akuersissutigineqartussaagaluarpoq, soqutigisaqaqatigiinnilli illua'tungiliuttunillu tatineqarneq pissutigalugu inatsisip aappassaaneerneqarnissaa pingajussaaneerneqarnissaalu Naalakkersuisut sapaatip akunnerani uani sisamanngornermut tallimanngornermullu kinguartippaat.
Isorinnittut isumaqarput taamaasilluni inatsisikkut ammaanneqartoq sulisartut kinamiut akissarsialuttut tikisinneqarnissaannut ammaasoqartoq, aammalu pipallatamik akuersissutigineqartoq tamanut ammasumik oqallinnertaqanngitsumik, pissutigalugu Naalakkersuisut ersissutigimmassuk selskabersuit Nunatsinnukarnissaminnut ersilernissaat.