Tusagassiivik: Danmark akuersaassaaq
Qallunaat tusagassiiviat naapertorlugu qallunaat naalakkersuisui nunatsinni suliniutinut angisuunut mattussinianngillat. Inatsit immikkut ittoq pisinnaatitsissummik qulakkeerissutaasussat suliarineqalereerpoq
Statsminister Helle Thorning-Schmidt, Naalakkersuisut siulittaasuat Kuupik Kleist naapertorlugu ‘kalaallit nunanit allanit suliartortussanik atorfissaqartitsinerannut atatillugu naapeqatiginnikkusuppoq ikiuukkusullunilu'.
Socialdemokratinit ministerit marluk inatsiseqarnermut ministeri Morten Bødskov aamma suliffissaqartitsinermut ministeri Mette Frederiksen qallunaat immikkut ittumik inatsisaat aallaavigalugu peqarsimapput, namminneq nunaminni suliffeqartitsinermut atugassarititaasut naapertorlugit, nunanit allanit suliartortitanik atorfinitsitsisinnaallutik aamma suliniutinut angisuunut atatillugu nunanit allaneersunit inatsisip mattussisinnaanera pinaveersaarniarlugu atorneqartoq tusarniaassutigisissimavaat, taannalu immikkut maluginiassartaqarsimanngitsoq Mandag Morgen allappoq.
Suliniaqatigiiffinnut anngussimanngilaq
Statsministerip oqaaseqaataa nunanut allanut ministerip Villy Søvndalip qanittumi Kalaallit Nunaannut tikeraarnermini oqaasereqqaagaannik naqissusiineruvoq.
Mandag Morgenip tusarfii naapertorlugit danskit immikkut ittumik inatsiseqalernissaannut apeqqut, Folketingimut imaluunniit sulisartut kattuffiinut saqqummiunneqarsimanngilaq. Taamaakkarluartoq naalakkersuisut piumasaqaatinut suliniutinut angisuunut inatsimmik piviusunngortitsisinnaasunik akerliugatik isummersorsimapput.
Tamanna isornartorsiorneqarpoq:
- Assorsuaq ernummatigaara qallunaat naalakkersuisuisa Kalaallit Nunaata politikkimik uagut nunatsinni sapinngisaq naapertorlugu pinaveersaartinniakkatsinnik tapersersuigunarnera. Neriussimagaluarpunga naalakkersuisut Danmarkimi sulinermik inuussutissarsiutillit oqaloqatiginissaannut kajumissuseqarsimassasut taamannak aalajangiitigatik, appasissumik akissaasersuisoqarnissaanik kinguneqarsinnaasumik, sulinermik inuussutissarsiutillit kattuffissuani LO-mi siulittaasup tullia Lizette Risgaard Mandag Morgenimut oqarpoq.
Enhedslisten sinnerlugu Folketingimut ilaasortap Finn Sørensen, maanna ministeriuneq aamma inatsiseqarnermut ministeri qinnuiginiarpai kalaallit suliassanut angisuunut inatsisiliornerat pillugu nassuiaateqaqqullugit.
Kuupik Kleistip qallunaat tapersersuinerannut ilanngussaa inuussutissarsiornermut ataatsimiititaliap isumaliutissiissutaani qupperneq 56 aamma 57 atuarsinnaavat.
Suliniutinut angisuunut inatsit ullumi akuersissutigineqarnissaa naatsorsuutigineqarpoq.