Akit Royal Greenlandimit tatineqarnissaat ernummatigigaat
Royal Greenlandip Qeqertami tunisassiorfimmik piginneqataalernera akuersaarneqarsinnaanngilaq, politikkikkut oqaatigineqarpoq
Ilulissat avannaanni nunaqarfimmi Qeqertami tunisassiorfiup Qeqertaq Fiship annerpaartaata Royal Greenlandimit pisiarineqarnera Atassutip siulittaasuanit naammagineqanngilluinnarpoq.
Læs "Royal Greenland på opkøb"
- Qeqertami tunisassiorfiup annerpaartaata Royal Greenlandimit inuiaqatigiit aningaasaataat atorlugit pisiarineqarnera Atassutip akuersaarsinnaanngilaa. Royal Greenlandip akinik tatisinissaa Atassutip tungaanit ernummatigisorujussuuarput, partiip siulittaasua Gerhardt Petersen nalunaarpoq.
- Minnerunngitsumik Royal Greenlandip Qeqertarsuup Tunuani tunitsivinnut namminersortunut inuiaqatigiit aningaasaataannik tunuliaqutaqarluni unammillernissaa Atassummiit ernummatigaarput, siulittaasoq nangippoq.
- Ipititsinianngilagut
Ernumaneq tamanna Halibut Greenlandip pisortaanit Niels Thomsenimit ilalerneqarpoq. Tamannali Royal Greenlandimit akerlilerneqarpoq:
- Ipititsiniaanngilagut. Maani niuerfimmik ingerlatsivugut, iliuuserisavullu tamaasak niuernerpalaartumik tunngaveqarluinnartumik ingerlappavut, Royal Greenlandimi tunisassiornermut pisortaq Lars Nielsen siusinnerusukkut KNR-imut oqarsimavoq.